___.png)
NJË THYERJE NË BE? | SLLOVAKIA PO KTHEHET DREJT MOSKËS?: KUSH ËSHTË POLITIKANI SLLOVAK ME ORIGJINË ITALIANE PELLEGRINI?
- Agjencia Telegrafike Vox
- Apr 15, 2024
- 5 min read
Romë, Itali | Në vetëm dy muaj do të mbahen zgjedhjet evropiane, të parat që do të mbahen me luftë në pragun e Bashkimit Europian, dhe me pasoja të mundshme të vetë konfliktit në balancën institucionale pas votimit.
Nëse nga njëra anë ka nga ata që janë të bindur për mbështetjen e Ukrainës, si Franca, aq sa kërkojnë dërgimin e trupave kundër rusëve, nga ana tjetër ka nga ata që shfaqin njëfarë hezitimi për të financuar dhe armatosur qeverinë e Kievit, si Sllovakia.
Të shtunën më 6 prill 2024, Peter Pellegrini, kandidati socialist dhe themeluesi i partisë Zëri-Socialdemokracia (Hlas në sllovakisht), fitoi balotazhin kundër rivalit të tij liberal Ivan Korcock, ish-ministër i Jashtëm, me pothuajse shtatë pikë avantazhi (53.12 % kundrejt 46.88%).
Sllovakia ka qenë një republikë parlamentare që nga lindja e saj në vitin 1993, vit në të cilin ndodhi ndarja e Republikës Federale Çeke dhe Sllovake, por në vitin 1999 kushtetuta u ndryshua për të lejuar zgjedhje të drejtpërdrejta dhe të drejtën e votës universale.
