NIGERI: BANDAT KRIMINALE SULMUAN NJË XHAMI; 30 BESIMTARË TË VRARË.

Kano, Nigeri | Numri i të vdekurve nga sulmi i djeshëm ndaj një xhamie në shtetin veriperëndimor të Nigerisë, Katsina, është rritur në të paktën 30, sipas një anëtari të parlamentit dhe banorëve.

Për vite me radhë, bandat e armatosura të njohura në vend si “banditë” kanë sulmuar komunitetet rurale në pjesën veriperëndimore dhe qendrore të vendit, duke plaçkitur fshatra, duke rrëmbyer banorë për shpërblim dhe duke djegur shtëpi pas plaçkitjes.

Dje në mëngjes, sipas një raporti ekspertësh të paraqitur në OKB dhe të parë nga agjencia franceze e lajmeve “Afp” banditët sulmuan një xhami në qytetin Unguan (Unguwan) Mantau.

Sipas raportit, kjo ishte një hakmarrje pasi ushtarët nigerianë zmbrapsën një tentativë sulmi nga banditët në zonë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit