MILIONA DRONË JANË TË NEVOJSHËM PËR NDËRTIMIN E NJË MURI ME DRONË QË DO TË MBRONTE KUFIJTË E BASHKIMIT EVROPIAN | VETËM KUFIRI LITUANEZO-RUS DO KISHTE NEVOJË PËR 3 MILIONË DRONE INTERCEPTUES.

Bruksel, Mbretëria e Belgjikës | “Një mur kundër dronëve në stilin ukrainas, i modeluar sipas teknologjisë që përdoret aktualisht nga Kievi, që mbulon të gjithë krahun lindor të Bashkimit Evropian do të kërkojë miliona dronë interceptues”.

Agjencia italiane e lajmeve “Ansa” e mësoi këtë nga informacioni i ndarë nga burime evropiane bazuar në informacionin e ofruar nga specialistë ukrainas.

Vetëm Lituania, e cila, ndan një kufi prej 900 kilometrash me Rusinë dhe Bjellorusinë, do të kishte nevojë për 3 milionë dronë interceptues.

Megjithatë, burimet specifikojnë se janë duke u zhvilluar analiza të ndryshme për të përcaktuar se cilat teknologji mund të përdoren, me një përzierje të mundshme të mjeteve kinetike dhe elektronike.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit