MBI DEKLARIMET E GJYQTARES HETUESE ROBERTA DI MARIA TË PARASHTRUARA NË AKT-VENDIMIN PENAL.

Agjencia Telegrafike Vox (Voks) | Vëllai im ishte mjaft i qetë dhe i kishte gjak në duar dhe tha: ky është i dashuri i saj dhe unë e vrava. Është një fragment nga dëshmia e dhënë para hetuesve nga z. Qemal Malaj, vëllai i Taulantit, njeriu që vrau vajzën e tij Xhesikën, dhe fqinjin Masimo de Santisin (Massimo De Santis). Ai thotë se ishte thirrur nga vëllai i tij “në messenger”, pasi nuk e kishte dëgjuar thirrjen për herë të parë dhe më pas e kishte thirrur sërish. "Vëllai im donte që unë t'i bashkohesha menjëherë sepse kishte vrarë tre persona. Menjëherë vëllai im arriti në shtëpinë time me makinën e tij dhe i binte vazhdimisht borisë me këmbëngulje", tha z. Qemal Malaj. Të dy, sipas kësaj historie, do të ishin bashkuar me vëllain e tyre në shtëpinë e tij, e cila është pak minuta më këmbë. “Nuk u futëm, nga dera pamë një burrë në tokë. Më pas mbërriti ambulanca dhe karabinierët, unë qëndrova jashtë, ndërsa gruaja ime hyri dhe mori dhe nxorri djalin e vogël të vëllait tim”. Xhesika e mbrojti nënën e saj deri në fund. Xhesika Malaj u përpoq me guxim dhe në çdo mënyrë deri në fund të mbronte nënën e saj nga sulmi brutal. Gjyqtarja e Foxhias (Foggia), Roberta di Maria e shkruan në masën e vleftësimit të ndalimit të Taulant Malajt. "Të dhënat e shumta të marra tashmë në fazat e hershme të hetimeve lejojnë që përgjegjësia penale të konfirmohet, thuhet në document. Pamja tashmë e rëndë rrethanore dhe e mbështetur nga rrëfimi u konsolidua pas marrjes së videove që përfshinin plotësisht skena në të cilat burri goditi në mënyrë të përsëritur gruan dhe vajzën e tij brenda shtëpisë së tij me një qëllim të qartë vrasjen. Znj. Tefta Malaj, gruaja e plagosur në Torremaxhore ( Torremaggiore), mbrëmjen e së shtunës, tregon për një television shqiptar sfondin e tmerrshëm të marrëdhënies me vajzën e saj të vrarë. Në spital gruaja takoi djalin 5-vjeçar që i kishte shpëtuar tërbimit të të atit. “Burri im ishte një përbindësh, ai abuzoi me vajzën tonë”. Znjsh. Xhesika Malaj u vra “me jo më pak se 4 plagë me thikë në gjoks ku ndodhen organet vitale” nga babai i saj z. Taulant Malaj dhe në trupin e fqinjit të vrasësit, Maksim de Santisit (Massimo De Santis), u gjetën “jo më pak se 23 të goditura me thikë, dhe ky është një fakt simptomatik i tërbimit vrastar me të cilin ka vepruar i dyshuari”, shkruan gjyqtarja hetuese Roberta di Maria në dispozitën e vleftësimit të paraburgimit. Diskutimi dyshohet se u zhvillua në sheshpushimin e shtëpisë së familjes së bukëpjekësit pak para se ai të plagoste për vdekje vajzën e tij 16-vjeçare dhe fqinjin. Z. Malaj ishte grindur me të dashurin e gruas së tij para se ta vriste. “Në të njëjtën mënyrë – vazhdon ajo – kokëfortësia me të cilën ai sulmoi gruan e tij me thikë ishte e tillë që të mund t’i shkaktonte vdekjen”. “Moskryerja e ngjarjes – sqaron magjistratja – nuk varej nga prania e rrethanave të njohura të të arrestuarit, por nga ndërhyrja e faktorëve të jashtëm, të përfaqësuar jo vetëm nga reagimi i bashkëshortes, por edhe nga ndërhyrja e vajzës së saj të vogël, dhe ndoshta nga bindja se ajo ishte lënë në tokë pa jetë, dhe sigurisht nga trajtimet e personelit shëndetësor.” Z. Taulant Malaj “mund të ikë në Shqipëri” vijon gjyqtarja hetuese. "I dyshuari ka lindur në Shqipëri - thuhet në dispozitën e parë - ku ai ka një shtëpi dhe për këtë arsye ai mund të ishte kthyer atje në momentin e ngjarjeve dhe gjithashtu mund ta bënte këtë nëse lirohej për t'i shpëtuar pasojave gjyqësore të sjelljes së tij. Rreziku se ai mund të ikë duke shkuar jashtë shtetit ose duke u kthyer në atdhe është konkrete dhe i fortë”.