MBI 1500 VETA JANË EVAKUUAR PAS NJË ZJARRI NË ANDALUZI | MIJËRA MAKINA U LARGUAN NGA VENDI NË KOHË REKORD.

Madrid, Mbretëria e Spanjës | “Kampet dhe hotelet u evakuuan për shkak të zjarrit.

Mbi 1500 banorë të zonës së Tarifës (Kadiz), në jug të largët të Spanjës, u evakuuan këtë mëngjes për shkak të zjarrit pyjor që shpërtheu në zonë dje pasdite”, tha Ministri i Brendshëm i Andaluzisë, Antonio Sanz, për radion “Cadena Ser”.

Këtyre njerëzve duhet t'u shtohet një numër i paspecifikuar mysafirësh nga hotele dhe kampe të ndryshme, të cilët, gjithashtu u evakuuan si masë paraprake, shtoi këshilltari.

“Dje na u desh të evakuonim mijëra makina nga disa plazhe. Ishte një situatë shumë e ndërlikuar dhe shumë e rrezikshme. Operacioni u përfundua në kohë rekord”, shpjegoi Ministri Sanz.

Gjatë gjithë natës dhe deri në orët e para të mëngjesit të sotëm, zjarrfikësit u përpoqën të kontrollonin flakët.

“Sot do të jetë një ditë e gjatë dhe e ndërlikuar”, deklaroi këshilltari, duke shtuar se erërat e forta janë një nga faktorët më të vështirë për t'u menaxhuar.

Përveç zjarrit në Tarifa, ka një tjetër zjarr që po shpërthen në Galicia, në zonën e Pontecesos (A Coruña), ku po punon edhe Njësia Ushtarake e Emergjencave.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit