KËTO JANË USHQIMET QË PËRMBAJNË SASI TË MËDHA MIKROPLASTIKE (USHQIME NË DUKJE TË MIRA HYJNË NË DIETAT ÇDO DITË PA DYSHUAR SE ATO MUND TË FSHEHIN MILIONA GRIMCA TË VOGLA PLASTIKE).

Uashington, Amerikë | Në një epokë kur mikroplastikat gjenden kudo, nga fundi i oqeaneve deri te placenta njerëzore, diskutimi rreth shisheve, pipave dhe qeseve plastike është bërë pothuajse i vetëkuptueshëm.

Por ne flasim shumë më pak për atë që ndodh në pjatën tonë; në ushqime në dukje të pafajshme që hyjnë në dietën tonë çdo ditë, pa dyshuar fare se ato mund të fshehin miliona grimca të vogla plastike.

Të dhëna të reja shkencore tregojnë se disa produkte të përshtatshme, të njohura ose në modë, nga orizi i menjëhershëm deri te kripa rozë e Himalajeve, mund të jenë burime të rëndësishme të mikroplastikës, në një shkallë që i habit edhe ekspertët.

Sipas entit mediatik “Washington Post”, në një artikull nga Dr. Trisha Pasriça (Pasricha), gastroenterologe, studiuese në Qendrën Mjekësore Beth Israel Deaconess (BIDMC) në Boston dhe Instruktore e Mjekësisë në Shkollën Mjekësore të Harvardit, këto janë 4 ushqimet që përmbajnë sasi të mëdha mikroplastike:

1- Qese çaji prej najloni ose qese të tjera plastike.

 Shumë qese çaji komerciale janë bërë nga polimere të tilla si najloni ose polipropileni, të cilat, lëshojnë sasi të mëdha grimcash mikroplastike dhe nanoplastike kur zhyten në ujë të nxehtë.

Në disa teste, nxjerrja nga qeset plastike të çajit është treguar se rezulton në miliona ose edhe miliarda grimca në filxhan, duke i bërë ato ndër burimet më ndotëse të mikroplastikës për porcion.

2- Orizi i menjëhershëm.

Një studim i vitit 2021 zbuloi se orizi i menjëhershëm mund të përmbajë deri në katër herë më shumë grimca plastike krahasuar me orizin e zakonshëm të papërpunuar.

Hulumtimi tregoi gjithashtu se larja e plotë e orizit para gatimit mund të zvogëlojë ngarkesën mikroplastike me rreth 40%, por nuk e eliminon plotësisht atë.

3- Nugget-et e panuara dhe të skuqura paraprakisht dhe produktet e detit, të tilla, si karkalecat e panuara paraprakisht, nugget-et e pulës dhe nugget-et e ngjashme me bazë bimore, u zbulua se përmbanin dhjetëra deri në qindra grimca mikroplastike për porcion.

4- Proteinat më të përpunuara, veçanërisht mishrat e panuar dhe të përgatitur, treguan përqendrime dukshëm më të larta për gram krahasuar me copat e mishit ose të detit më pak të përpunuara.

5- Kripa e trashë rozë e Himalajeve (dhe kripëra të tjera me bazë tokësore).

Një studim mbi kripërat komerciale zbuloi se kripa e trashë rozë e Himalajeve nga burimet tokësore kishte ngarkesën më të lartë mikroplastike nga të gjitha mostrat, me mbi 170 grimca për kilogram, ndërsa vlera të larta u gjetën edhe në kripën e zezë.

Në përgjithësi, kripërat me bazë tokësore treguan më shumë ndotje mikroplastike krahasuar me kripërat e detit, duke i bërë ato një nga burimet më të dendura në dietën e përditshme.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit