___.png)
KËSHTU ZHVILLOHET TREGTIA E ARMËVE MES DIKTATORËVE KIM DHE PUTIN.
- Agjencia Telegrafike Vox
- Mar 10, 2024
- 3 min read
Romë, Itali | Miliona plumba, furnizime ushtarake dhe miliarda dollarë po rrjedhin përgjatë aksit Phenian-Moskë.
Inteligjenca e Koresë së Jugut dhe e Shteteve të Bashkuara vazhdojnë të akuzojë Korenë e Veriut për dërgimin e materialit luftarak në Rusi - të cilin kjo e fundit do ta përdorte në konfliktin e Ukrainës - në këmbim të parave, ushqimit, nevojave themelore dhe njohurive teknologjike.
Edhe pse autoritetet e Koresë së Veriut e kanë mohuar vazhdimisht lajmin, detaje të reja dalin nga Seuli, të cilat, do të konfirmonin dërgimin e armëve nga z. Kim Jong Un te z. Vladimir Putin.
Ministri i Mbrojtjes së Koresë së Jugut, Shin Won-sik foli për 6700 kontejnerë që përfunduan në duart e Kremlinit, secili prej të cilëve, përmbante afërsisht 3 milionë predha artilerie 152 mm, ose 500000 predha artilerie 122 mm.
Si do të ndodhte ky transport i supozuar?
Pamjet satelitore treguan porte dhe rrugë të frekuentuara veçanërisht nga të dy vendet.
Megjithatë, kini kujdes, sepse siç shpjegohet nga faqja e internetit NK News, Rusia ka ndaluar përdorimin e një porti ushtarak në tregtinë e saj të supozuar të armëve me Korenë e Veriut në favor të një porti tregtar, në atë që duket të jetë një përpjekje që synon të bindë vëzhguesit se tregtia me fqinjin e saj nuk është e natyrës ushtarake.
AKSI MOSKË-PHENIAN. KËSHTU RUSIA KRIJON ALEANCA TË REJA.
Pamjet satelitore nga Planet Labs tregojnë se anijet ruse të akuzuara për transferimin e armëve në Kremlin nga porti i Koresë së Veriut të Rason-it ndaluan përdorimin e një zone ushtarake detare të vendosur në Dunay, në lindje të Vladivostokut, në fund të muajit dhjetor.
Katër anijet e Federatës Ruse të lidhura me operacionin hipotetik të tregtisë së armëve - Lady R, Angara, Maia-1 dhe Maria - lëvizën midis Rasonit dhe Portit Vostoçni (Vostochny).
Realisht, mjetet e sipërpërmendura do të kishin filluar të përdornin këtë port të fundit duke filluar nga data 2 tetor 2023, por ndërkohë do të vazhdonin të ankoroheshin në Dunay për të transferuar kontejnerë përkrah luftanijeve ruse, të paktën deri në vizitën përfundimtare të anijes tregtare ruse Angara, e cila, u zhvillua midis 17 dhe 21 dhjetor.
Le të jemi të qartë: analizat me burim të hapur nuk kanë identifikuar ende prova zyrtare të kontejnerëve të veçantë që janë zhvendosur nga Rason-i në Dunay ose Vostoçni, dhe prej andej në Tikhoretsk dhe depo të tjera armësh ruse pranë kufirit ukrainas.
Megjithatë, provat e predhave artilerie dhe raketave të prodhuara nga Koreja e Veriut të gjetura në Ukrainë do të thotë se armët e z. Kim po arrijnë disi në vijat e frontit.
RRUGA TOKËSORE E ARMËVE.
Në këtë drejtim, ka nga ata që pohojnë se dërgesat ushtarake nga Veriu në Rusi mund të jenë pezulluar për shkak të problemeve të prodhimit fantazmë të Phenianit, ose për shkak të vështirësive të tjera logjistike.
Me sa duket, është shumë e mundur që armët të transferohen në territorin rus me rrugë ajrore ose hekurudhore përtej kufirit të përbashkët midis dy vendeve.
Megjithatë, hipoteza se Moska mbështetet në marrjen e materialit luftarak - tepër të ndjeshëm dhe të rrezikshëm - duke u fokusuar në portin tregtar të Vostoçnit duhet të përjashtohet.
Në çdo rast, pasi të dorëzoheshin në Rusi, shkruante grupi i ekspertëve Beyond Parallel, municionet e Koresë së Veriut do të zhvendoseshin drejt perëndimit, me shumë mundësi nëpërmjet hekurudhës, dhe do të shpërndaheshin në të paktën tre vende të ndryshme: Tikhoretsk, Mozdok dhe Yegorlykskaya.
Këto objekte magazinimi strategjik, të vendosura të paktën 400 kilometra nga kufiri me Ukrainën, padyshim që do të mbështesin objektet e municioneve më afër frontit, të cilat, nga ana e tyre do të mbështesin vendet e magazinimit, edhe më afër epiqendrës së tensioneve.
Ndërsa priten prova të mëtejshme, partneriteti midis z. Kim dhe z. Putin duket se bëhet gjithnjë e më i fortë dhe konkret.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments