KËSHILLTARI POLITIK BALASZ ORBAN I KRYEMINISTRIT HUNGAREZ VIKTOR ORBAN THA SE PO PUNOHET PËR KRIJIMIN E NJË BLLOKU ANTI-KIEV ME SLLOVAKINË DHE ME ÇEKINË.

Romë, Itali | “Budapesti po punon për një bosht anti-ukrainas me Bratislavën dhe Pragën, pasi nacionalisti Andrej Babis fitoi zgjedhjet në Republikën Çeke.

Mendoj se do të ndodhë dhe do të bëhet gjithnjë e më e dukshme”, tha për entin mediatik “Politico”, z. Balasz Orban, këshilltar politik i kryeministrit hungarez.

Në një intervistë të ripostuar këtë mëngjes në llogarinë e tij, Kryeministri Viktor Orban iu referua gjithashtu aleancës me Kryeministrin Robert Fiko (Fico) të Sllovakisë dhe kryeministrin e zgjedhur çek.

“Në Evropën Qendrore, fronti i paqes po rritet. Ndërsa vështirësitë ekonomike të Evropës përkeqësohen, gjithnjë e më shumë kombe do të kuptojnë se paqja është e vetmja rrugë përpara”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit