KUSH ËSHTË XHEIMS KATFILLD (JAMES CUTFIELD) KAPITENI I SUPER JAHTIT BAYESIAN? | NJË NEO-ZELANDEZ ME PËRVOJË I CILI KA DISA VITE QË DREJTON VARKAT LUKSOZE.

Romë, Itali | Kush është z. Xheims Katfilld (James Cutfield), kapiteni i jahtit, një neo-zelandez me përvojë, i cili ka disa vite që drejton varkat luksoze.

Ai është me origjinë nga Zelanda e Re, jo çuditërisht një tokë e marinarëve të mëdhenj dhe mbajtës i Kupës së Amerikës.

Për të deti nuk ishte vetëm një pasion i madh, por edhe arsyeja e tij për të jetuar.

Një kapiten ekspert, i cili ka punuar për vite në bordin e varkave të mëdha dhe që e njeh mirë Mesdheun.

Ky është portreti i kapitenit Xheims Katfilld (James Cutfield), me moshë 51 vjeç, kapiteni i super jahtit Bayesian, që u mbyt në të gdhirë të hënën në Portiçelo (Porticello), në zonën e Palermos.

Ai komandonte anijen me vela 56 metra, një nga më të mëdhatë në botë, e goditur nga një shakullimë shumë e dhunshme.

Kapiteni u mor në pyetje për dy orë nga magjistratët e Prokurorisë së Termini Imerese-es të cilët po hetojnë shkaqet e mbytjes së anijes.

Para prokurorëve dëshmitarit kryesor të hetimit iu desh jo vetëm të rindërtonte momentet e tmerrshme të mbytjes së anijes, por edhe të përpiqej të shpjegonte se si ishte e mundur që ai jaht, me sisteme teknologjike më të fundit dhe i konsideruar praktikisht i pambytshëm, u fundos brenda një minute.

Ai është një kapiten shumë i njohur dhe i respektuar, aq sa ai punon në emër të ndërmjetësve më të mëdhenj ndërkombëtarë detarë që menaxhojnë lundrimet luksoze në Mesdhe.

Para se të punësohej nga manjati britanik i teknologjisë Maik Linç (Mike Lynch) si komandant super jahtit Bayesian, ai kishte punuar për një miliarder turk.

Mediat e Zelandës së Re, vendi i komandantit, gjithashtu mbuluan gjerësisht mbytjen e anijes Bayesian.

Enti mediatik “NzHerald”, në veçanti, intervistoi vëllain e z. Katfilld (Cutfield), Markun, i cili konfirmoi se kapiteni ka në komandën e varkave luksoze për rreth tetë vjet.

“Vëllai im është për fat të mirë”, tha z. Mark Katfilld (Cutfield).

“Kam folur në telefon me gruan e tij Kristinën (Cristina), e cila e foli me të dhe më siguroi për gjendjen e tij”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit