KUBË | PRESIDENTI MIGUEL DIAZ-KANEL (CANEL): GATI TË PËRBALLEMI USHTARAKISHT ME SHTETET E BASHKUARA TË AMERIKËS.

Havanë, Kubë | Presidenti Miguel Diaz-Kanel (Canel) ka deklaruar se vendi është gati të përballet me një agresion ushtarak nga Shtetet e Bashkuara.

Fjalimi u mbajt në Havanë gjatë festimeve që shënuan 65-vjetorin e pushtimit të dështuar të “Gjirit të Derrave”.

“Ky është një moment sfidues dhe na bën thirrje të jemi të gatshëm të përballemi me kërcënime serioze, përfshirë agresionin ushtarak.

Ne nuk e duam, por është detyra jonë të përgatitemi për ta shmangur dhe, nëse do të ishte e pashmangshme, ta mposhtim atë”, tha Presidenti Diaz-Kanel (Canel).

Tensionet dypalëshe u përkeqësuan pasi Uashingtoni bllokoi furnizimet me hidrokarbure në ishull në muajin janar, pas rënies së qeverisë venezueliane të Presidentit Nikolas (Nicolás) Maduro.

“Kuba nuk është një shtet i dështuar, është një shtet i rrethuar”, tha ai - duke përsëritur se ishulli mbetet një revolucion socialist pikërisht nën hundën e perandorisë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit