KUBË | PARTIA KOMUNISTE VENDOSI QË MILIONA KUBANËVE TU BËJË NJË DHURATË TË MADHE PËR KRISHTLINDJE DHE PËR VITIN E RI; DO T’I LERI PA DRITA.

Havanë, Kubë | “Miliona kubanë do të përballen me një prag dhe natë Krishtlindjesh të errët, me ndërprerje të energjisë që pritet të vazhdojnë gjatë gjithë festive”.

Kështu thonë parashikimet e kompanisë shtetërore “Une”, e cila, ka njoftuar ndërprerje të zgjatura të energjisë elektrike në të gjithë vendin, përfshirë kryeqytetin.

Në Havanë, e ndarë në gjashtë blloqe për ndërprerje të energjisë elektrike me radhë, ky orar premton të jetë një goditje veçanërisht e rëndë për Bllokun 1, ku dhjetëra mijëra banorë do të jenë pa energji elektrike midis orës 21:00 dhe mesnatës më 24 dhjetor, pikërisht në prag të Krishtlindjeve.

Për më tepër, “Une”-ja parashikon një mesatare prej tetë deri në dhjetë orësh ndërprerje të energjisë elektrike midis pragut të Krishtlindjeve dhe Ditës së Krishtlindjeve në këtë pjesë të kryeqytetit.

Situata është edhe më kritike në provincat lindore, duke përfshirë Las Tunas, Guantanamo dhe disa zona të Granma-s, ku dje u regjistruan deri në 19 orë radhazi ndërprerje të energjisë elektrike.

Kriza rrjedh nga kolapsi i sistemit elektrik, me termocentrale të vjetëruara, ndërprerje të shpeshta dhe një mungesë të madhe të karburantit.

Qeveria pranoi për mediat kryesore të Kubës se situata mund të përmirësohet vetëm pak në vitin 2026.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit