KUBË | PARTIA KOMUNISTE PO E ÇON EKONOMINË DREJT FALIMENTIT; DËMI I SHKAKTUAR NGA EMBARGOJA AMERIKANE LLOGARITET NË 179 MILIARDË DOLLARË ($).

Havanë, Kubë | Ministri i Jashtëm Bruno Rodriguez denoncoi dëmin e shkaktuar nga bllokada amerikane gjatë një konference për shtyp.

Midis muajit mars të vitit 2025 dhe muajit shkurt të vitit 2026, humbjet arritën në 8 miliardë dollarë ($), duke shënuar një rritje prej 7% krahasuar me të njëjtën periudhë të vitit të kaluar.

Dëmet historike të akumuluara, megjithatë, i afrohen shifrës 179 miliardë dollarë ($).

Duke e quajtur politikën e Uashingtonit një asfiksi të vërtetë ekonomike, ai theksoi ndikimin shkatërrues në karburant, rrjetin elektrik, transportin dhe kujdesin shëndetësor publik.

“Bllokada nuk ndëshkon një qeveri, ajo ndëshkon jetën e përditshme të një populli në çdo zonë. Ata janë fëmijë, jo numra”, - tha minsitri Rodriguez.

Havana gjithashtu mohoi ekzistencën e negociatave të vazhdueshme me Shtetet e Bashkuara, ndërsa përsëriti gatishmërinë e saj për t'u angazhuar në një dialog konstruktiv bazuar në respekt të ndërsjellë.

Ministri Rodriguez i përfundoi fjalimet e tij me një apel të drejtpërdrejtë, duke bërë thirrje për t'i dhënë fund embargos tregtare dhe financiare.

“Jepni fund bllokadës. Le të jetojmë në paqe”, - tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit