KUBË | PARTIA KOMUNISTE KORRI SUKSESIN E RADHËS NË QEVERISJE; 8700 TË VDEKUR NGA EPIDEMIA E ARBOVIRUSIT; MUNGESË HIGJENE NË HAPËSIRAT PUBLIKE; ËSHTË QELBUR DYNJAJA.

Havanë, Kubë | “Epidemia aktuale e arbovirusit në Kubë thuhet se ka shkaktuar deri në 8700 vdekje, duke tejkaluar shumë 55 vdekjet e njohura zyrtarisht nga Ministria e Shëndetësisë”.

Kjo është situata sipas një raporti nga Observatori Kubanez i Auditimit të Qytetarëve (OCAC), i prodhuar në bashkëpunim me organizatën kërkimore “Cuba Siglo 21”, i cili, përshkruan rënien e sistemit të kujdesit shëndetësor të ishullit me të dhëna të përditësuara deri në mesin e dhjetorit.

Sipas raportit, i cili, u raportua nga media kryesore e pavarur e Kubës dhe bazohet në statistika zyrtare dhe vlerësime epidemiologjike, afërsisht 30% e popullsisë, ekuivalente me 2.9 milionë njerëz, është prekur nga dengu dhe çikungunia (chikungunya).

Në një skenar vdekshmërie të moderuar, në përputhje me spitalet e mbipopulluara, mungesat e kujdesit shëndetësor dhe një incidencë të lartë të sëmundjeve shoqëruese, shkalla e vdekshmërisë do të varionte midis 0.3% dhe 0.5%, për një total të vlerësuar midis 8700 dhe 14500 viktimave.

Megjithatë, autoritetet shëndetësore kubaneze pranojnë 37 vdekje nga ndërlikimet e çikungunia (chikungunya) dhe 18 nga dengu, pa dhënë të dhëna të ndara për numrin e infeksioneve.

Raporti denoncon një mungesë serioze transparence që vonoi njoftimin e popullsisë, ndërsa rastet u rritën për shkak të ndërprerjeve të energjisë elektrike, ujit të ndenjur, mbeturinave të pambledhura dhe një fushate të dobët parandaluese kundër mushkonjave Aedes aegypti, përgjegjëse për transmetimin e arbovirusit.

Raporti ia atribuon krizën zgjedhjeve politike afatgjata, nga ulja progresive e investimeve në kujdesin shëndetësor deri te prioritizimi i turizmit, dhe bën thirrje për reforma strukturore, si dhe një vlerësim të pavarur të emergjencës shëndetësore në vazhdim.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit