KUBË | PARTIA KOMUNISTE: JEMI GATI TA NDIHMOJMË IRANIN (EDHE PSE POPULLI PO NA NGORDH PËR BUKË).

Havanë, Kubë | “Kuba është ofruar të dërgojë ekspertë iranianë për të ndihmuar në riparimin e objekteve shëndetësore të dëmtuara gjatë luftës”.

Kështu tha ambasadori kubanez në Teheran, Nikolas (Nicolás) Lefebvre, gjatë një takimi me kreun e bashkëpunimit ndërkombëtar në Ministrinë iraniane të Shëndetësisë, Mohammad Hossein Aiati (Ayati).

“Oferta, përfshin gjithashtu restaurimin e objekteve të Institutit Iranian Pasteur të dëmtuara nga bombardimet”, - raportoi enti mediatik kubanez “Diario de Cuba”.

Diskutimet u përqendruan gjithashtu në forcimin e bashkëpunimit midis dy vendeve në sektorët e shëndetësisë dhe farmaceutikës, duke përfshirë prodhimin dhe blerjen e ilaçeve dhe pajisjeve mjekësore iraniane, si dhe zhvillimin e projekteve të reja të përbashkëta.

Kuba dhe Irani kanë bashkëpunuar për më shumë se 30 vjet në fushat e vaksinave dhe bioteknologjisë, me marrëveshje dhe iniciativa që kanë konsoliduar lidhjet dypalëshe shkencore dhe shëndetësore.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit