KRYEMINISTRJA XHORXHA (GIORGIA) MELONI: FORCA E USHTRISË ËSHTË MJETI MË EFEKTIV KUNDËR LUFTËS.

Romë, Itali | “Forca e ushtrive dhe besueshmëria e tyre është mjeti më efektiv për të luftuar luftërat.

Dialogu, diplomacia dhe qëllimet e mira janë sigurisht të dobishme, por ato duhet të bazohen në themele të forta”.

Kështu tha Kryeministrja e Republikës së Italisë Xhorxha (Giorgia) Meloni, gjatë një vizite në Komandën e Përbashkët të Operacioneve, ku mori pjesë në një videokonferencë për t'u shprehur urimet e saj më të mira kontingjenteve ushtarake italiane të vendosura në teatrot ndërkombëtare të operacioneve.

“Ato themele të forta - duke iu drejtuar kontingjenteve ushtarake italiane - janë ndërtuar nga ju me sakrificën tuaj, ekspertizën tuaj, profesionalizmin tuaj, guximin tuaj.

Dhe nëse ia dalim të rivendosim paqen, që është qartësisht qëllimi ynë më i madh në këtë kohë, kjo do të jetë falë jush”, tha Kryeministrja Meloni.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit