KRYEMINISTRI FINLANDEZ PETTERI ORPO: BASHKIMI EVROPIAN DUHET TË JETË I GATSHËM TË PËRDORË TË GJITHA MJETET E TIJ PËR T'IU PËRGJIGJUR SHBA-ës.

Bruksel, Mbretëria e Belgjikës | “Dje, pas një situate shumë të vështirë midis Shteteve të Bashkuara dhe Bashkimit Evropian, ne i lehtësuam tensionet dhe tani duhet të ecim përpara.

Ajo që duhet të bëjmë është të vazhdojmë t'i japim mbështetjen tonë të fortë Danimarkës dhe Groenlandës.

Ne kemi treguar se nëse jemi të bashkuar, jemi të fortë. Dhe mendoj se Shtetet e Bashkuara dhe Presidenti Tramp (Trump) na respektojnë nëse jemi të fortë dhe të bashkuar”.

Kështu tha kryeministri finlandez Petteri Orpo pas mbërritjes së tij në Këshillin e jashtëzakonshëm Evropian.

“Ajo që është e rëndësishme tani është të negociojmë, por, ne duhet të vendosim të gjitha mjetet që kemi si Bashkim Evropian në tryezë dhe t'i përdorim ato; ne duhet të jemi gati t'i përdorim ato nëse është e nevojshme.

Ne jemi gati, të punojmë për të forcuar sigurinë e Arktikut. Dhe dua t'ju kujtoj se zona e Arktikut, nga një perspektivë evropiane, fillon në kufirin ruso-finlandez dhe shtrihet deri në Groenlandë”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit