KOSTA RIKË | ULTRAKONSERVATORJA LAURA FERNANDEZ MERR DETYRËN SI PRESIDENTE DUKE PREMTUAR LUFTË TË PËRGJITHSHME PA KOMPROMIS KUNDËR KRIMIT TË ORGANIZUAR.

San Jose, Kosta Rikë | Presidentja e zgjedhur ultrakonservatore e Kosta Rikës, Laura Fernandez, mori detyrën sot duke premtuar një luftë të plotë kundër krimit.

Shkencëtarja politike - e cila pason mentorin e saj Rodrigo Çavez (Chaves) - fitoi zgjedhjet me platformën e saj qeveritare, e cila përfshin reforma rrënjësore në sistemin gjyqësor dhe ligjet e sigurisë.

Javën e kaluar, ajo prezantoi Gerald Kampos (Campos) si Ministër të ri të Sigurisë, duke premtuar luftë të plotë, një luftë të plotë kundër krimit të organizuar.

Kosta Rika shfuqizoi ushtrinë e saj në vitin 1948 dhe prej kohësh është njohur si një nga vendet më paqësore në rajon.

Megjithatë, gjatë mandatit katërvjeçar të ish-Presidentit Çaves (Chaves), shkalla e vrasjeve arriti nivele rekord.

Ndër shkaqet e përmendura nga ekspertët e trafikut të drogës dhe autoritetet amerikane është shfaqja e raportuar e Kosta Rikës si një qendër strategjike për dërgesat e kokainës së Amerikës së Jugut të destinuara për Shtetet e Bashkuara dhe Evropën.

Pavarësisht dyshimeve serioze për korrupsion, ish-Presidenti Çaves (Chaves) do të vazhdojë të luajë një rol të rëndësishëm në politikën kombëtare si udhëheqës i partisë qeverisëse (Partia Popullore Sovrane) dhe si Ministër i emëruar i Presidencës dhe Drejtësisë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit