KORE E VERIUT | PARTIA E KUQE NË PUSHTET RIZGJODHI DIKTATORIN KIM JONG UN SI SEKRETAR TË PËRGJITHSHËM.

Agjencia Telegrafike Vox
8 hours ago
2 min read

Phenian, Kore e Veriut | “Partia e Punëtorëve në pushtet e Koresë së Veriut rizgjodhi udhëheqësin Kim Jong Un si Sekretar të Përgjithshëm në një takim të kongresit të partisë”.

Kështu thanë mediat shtetërore, një veprim i parë si nënvizim i kontrollit të tij absolut mbi pushtetin dhe besimit më të madh mbi stabilitetin e brendshëm.

Në një raport të botuar të hënën, agjencia shtetërore e lajmeve “KCNA” i atribuoi udhëheqësit Kim rritjen e prestigjit të vendit, duke e vendosur atë globalisht në një bazë të fortë për të ndjekur kryqëzatën e tij revolucionare dhe duke e forcuar ushtrinë, në një ushtri elitare dhe të fuqishme.

“Nën udhëheqjen e tij, parandalimi i luftës i vendit me forcat bërthamore si boshtin e tij është përmirësuar rrënjësisht”, tha agjencia shtetërore e lajmeve “KCNA” në raportin lavdërues të ditës së katërt të punimeve të kongresit.

“Riafirmimi i autoritetit të tij përbën një deklaratë se Kim Jong Un i ka dhënë fund 'modalitetit të menaxhimit të krizave' të regjimit dhe ka hyrë në një fazë sundimi afatgjatë të sigurt dhe të qëndrueshëm”, tha z. Lim Eul-çul (chul), një ekspert për Korenë e Veriut në Universitetin Kiungnam.

“Delegatët zgjodhën gjithashtu anëtarët e Komitetit Qendror të partisë dhe miratuan rishikime në rregullat e partisë”, tha agjencia shtetërore e lajmeve “KCNA”.

Ajo nuk dha detaje mbi ndryshimet në statutin e partisë, por disa zyrtarë të lartë duket se u hoqën nga komiteti.

“Ish-Ministri i Jashtëm Ri Su Jong (Yong), Kryetari i Komitetit të Përhershëm të Asamblesë Supreme Popullore, Ço Riong (Choe Ryong) Hae, dhe një zyrtar i lartë ushtarak i partisë, Ri Piong Çol (Pyong Chol), ishin midis atyre që u lanë mënjanë në një ndryshim të mundshëm të gardës së vjetër”, thanë analistët.

Deri më tani nuk ka pasur asnjë shenjë që vajza adoleshente e diktatorit Kim, e njohur si Ju Ae, të ketë marrë pjesë në konferencë, mes spekulimeve se ajo po përgatitet për të pasuar të atin si udhëheqëse.

Versioni i nëntë i kongresit të partisë, që normalisht mbahet çdo pesë vjet për disa ditë, u hap të enjten me 5000 delegatë dhe po vëzhgohet nga Koreja e Jugut për çdo zbulim të drejtimeve të reja të politikës së brendshme dhe të jashtme.

Deri më tani nuk ka pasur shenja të nismave të rëndësishme politike, pasi seancat u përqendruan në kapërcimin e një krize ekonomike dhe progresin e bërë nën udhëheqjen e Partisë.

Nga z. Erton Duka.

Ne të njohim me botën | www.007vox.com | Burimi yt i informacionit