KOMUNISTËT E REPUBLIKËS POPULLORE TË KINËS THANË SE DO TË NDIHMOJNË ME KARBURANT KOMUNISTËT E KUBËS.

Pekin, Republika Popullore e Kinës | Qeveria kineze ka njoftuar gatishmërinë e saj për të ndihmuar Kubën, e cila, aktualisht është e paralizuar nga një mungesë e rëndë karburanti.

Kriza energjetike, e përkeqësuar nga bllokada e furnizimeve me naftë nga Venezuela dhe Meksika, e ka detyruar tashmë Havanën të pezullojë fluturime të shumta ndërkombëtare, duke e izoluar pjesërisht vendin.

Zëdhënësi i Ministrisë së Jashtme kineze, Lin Jian, deklaroi se do të ofrohet ndihmë në masën e aftësive kineze, duke përsëritur mbështetjen për sovranitetin e Kubës.

Në fjalën e tij ai dënoi ndërhyrjen e huaj, duke i quajtur sanksionet praktika çnjerëzore që i privojnë popullsinë vendase nga e drejta e tyre për mbijetesë dhe zhvillim.

Pavarësisht sfidave logjistike, autoritetet aziatike konfirmuan se aktualisht nuk ka bashkatdhetarë të bllokuar në ishull.

Lëvizja diplomatike forcon boshtin midis Pekinit dhe Havanës dhe përputhet me qëndrimet e partnerëve të tjerë strategjikë, si Meksika dhe Rusia, të cilët, kanë kritikuar presionin ndërkombëtar që synon mbytjen e ekonomisë kubaneze.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit