KOLUMBI | PRESIDENTI ABELARDO DE LA ESPRIELLA: NEVOJITEN 9.5 MILIARDË € PËR TË RINDËRTUAR VENDIN PAS TËRMETIT 7.4 BALLË.

Bogotë, Kolumbi | Presidenti Abelardo de la Espriella ka vlerësuar fondet e nevojshme për rindërtim pas tërmetit 7.4 ballë që goditi vendin më 10 gusht në afërsisht 9.5 miliardë dollarë ($), duke njoftuar një gjendje të jashtëzakonshme ekonomike dhe krijimin e një Fondi Mrekullie për të financuar përpjekjet e rindërtimit.

Në deklaratën e tij të parë zyrtare drejtuar kombit që nga fillimi i krizës, presidenti Abelardo de la Espriella dha një vlerësim paraprak të katastrofës, e cila preku afërsisht një të tretën e territorit të Kolumbisë.

“Një kompani private ka vlerësuar humbjet e drejtpërdrejta materiale në departamentet e Çoko (Chocó), Valle del Kauka (Cauca), Risaralda, Kuindio (Quindio) dhe Kaldas (Caldas) në afërsisht 30 trilionë peso”.

Kështu tha presidenti De la Espriella, duke cituar një vlerësim nga Ingeniar Risk Intelligence, një kompani e specializuar në vlerësimin dhe modelimin e rrezikut nga fatkeqësitë.

Sipas të dhënave të ofruara nga presidenti, tërmeti goditi 450 komuna në 15 departamente, duke shkaktuar gati 300 vdekje, mijëra të plagosur dhe duke prekur mbi 120 mijë familje.

Sipas ministrisë së Punëve të Jashtme të Kolumbisë, 222.5 ton ndihmë humanitare mbërritën në vend në javën e parë të emergjencës; 100 ton nga Salvadori, 58.5 ton nga Meksika, 50 ton nga Kili dhe 14 ton nga Peruja.

Përveç kësaj, 144 punonjës ndërkombëtarë të ndihmës nga Izraeli, Ekuadori dhe Shtetet e Bashkuara po punojnë në zonat e prekura.

Ndihma shtesë është njoftuar nga shumë vende, përfshirë Kinën, Gjermaninë, Indinë, Italinë, Spanjën dhe Shtetet e Bashkuara, si dhe nga organizatat ndërkombëtare dhe Selia e Shenjtë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit