KOLUMBI | PRESIDENTI GUSTAVO PETRO: TENTUAN TË MË VRISNIN NË HELIKOPTER SË BASHKU ME VAJZAT E MIA.

Bogotë, Kolumbi | Presidenti Gustavo Petro tha se i shpëtoi një atentati, duke denoncuar ekzistencën e një komploti për ta vrarë.

Ai e bëri njoftimin, duke shpjeguar se mbrëmë helikopteri presidencial nuk mundi të ulej në një vend në bregdetin e Karaibeve për shkak të frikës së bazuar për një sulm të armatosur.

“Nuk munda të ulem sepse më informuan se helikopteri me të cilin po udhëtoja me vajzat e mia do të goditej. Ata as nuk i ndezën dritat e uljes”, tha Presidenti Petro.

Lajmi u rilançua edhe nga gazetari dhe politikani i njohur kolumbian Hollman Morris, i cili, pretendoi se presidenti kishte zbuluar gjithashtu një komplot të dyshuar për të mbjellë substanca halucinogjene brenda një automjeti.

Sipas z. Morris, planet për të vrarë Presidentin Petro përfshinin edhe një sulm kundër familjes presidenciale.

Qeveria nuk ka dhënë detaje të mëtejshme mbi autorët e komplotit të dyshuar, ndërsa masat e sigurisë rreth presidentit janë shtrënguar.

Episodi, i raportuar nga mediat kryesore të vendit të Amerikës së Jugut, ringjall alarmin në lidhje me klimën e dhunës politike dhe kërcënimeve ndaj institucioneve kolumbiane përpara zgjedhjeve parlamentare në muajin mars dhe zgjedhjeve presidenciale në muajin maj.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit