KOLUMBI | NGA RRËZIMI I AVIONIT USHTARAK “HERCULES” U VRANË 8 VETA DHE U PLAGOSËN MBI 80 TË TJERË.

Bogotë, Kolumbi | Të paktën tetë veta kanë vdekur dhe më shumë se 80 të tjerë janë plagosur në një aksident ajror në Kolumbinë jugore, ku një avion ushtarak “Hercules” u rrëzua menjëherë pas ngritjes nga Puerto Leguizamo, në departamentin e Putumaio-s.

Shifra e përditësuar u botua nga guvernatori vendor Xhon (John) Gabriel Molina, i cili, gjithashtu raportoi 14 veta në gjendje kritike, disa prej të cilëve, tashmë janë transferuar në spitale.

Në bordin e avionit “C-130 të Forcave” Ajrore Kolumbiane ishin 125 veta, përfshirë 112 personel ushtarak, dy oficerë policie dhe anëtarë të ekuipazhit.

Operacionet e shpëtimit vazhduan gjatë gjithë mëngjesit, ndërsa gjendja e disa pasagjerëve mbetet e paqartë.

“Presidenti Gustavo Petro, pohoi aktivizimin e rrjetit kombëtar shëndetësor dhe bëri thirrje për kujdes, duke theksuar se shkaku i aksidentit mbetet i panjohur në këtë kohë dhe po hetohet nga autoritetet kompetente kolumbiane”.

Kështu raportoi enti mediatik vendor “El Tiempo”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit