KOLUMBI | PRESIDENTI GUSTAVO PETRO DENONCOI SE NJË BOMBË U GJET NË KUFI ME EKUADORIN (MARRËDHËNIET ME TË CILIN JANË TË TENSIONUARA PËR SHKAK TË AKUZAVE SE KOLUMBIA NUK LUFTON KOKAINËN).

Bogotë, Kolumbi | Presidenti Gustavo Petro deklaroi se një bombë e hedhur nga një aeroplan u gjet pranë kufirit me Ekuadorin, duke sugjeruar një sulm të mundshëm nga ai vend mes tensioneve në rritje tregtare dhe diplomatike midis dy qeverive.

“Zbulimi u bë shumë afër kufirit me Ekuadorin, por ne duhet të hetojmë plotësisht, sepse ata po na bombardojnë nga Ekuadori dhe nuk janë grupe të armatosura”, tha Presidenti Petro gjatë një mbledhjeje të kabinetit.

“Bomba është aktive, kështu që është e rrezikshme dhe ne duhet të marrim vendimet e nevojshme”, shtoi ai më tej.

Akuza e ashpër e Presidentit Petro vjen në mes të luftës tregtare midis Bogotës dhe Kuitos, e cila, filloi në muajin janar kur Presidenti konservator i Ekuadorit, Daniel Noboa, njoftoi vendosjen e një takse sigurie prej 30% mbi importet kolumbiane, duke përmendur inercinë e supozuar të qeverisë kolumbiane në luftën kundër trafikimit të drogës përgjatë kufirit.

Kolumbia më pas u përgjigj duke vendosur tarifa për 73 produkte dhe duke ndërprerë furnizimin me energji elektrike për kombin fqinj.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit