KLARK (CLARK) OLOFSSON VDIQ | ISHTE RRËMBYESI QË FRYMËZOI TEORINË E SINDROMËS SË STOKHOLMIT.

Stokholm, Suedi | “Një nga dy kriminelët karizmatikë të përfshirë në rrëmbimin që i dha botës termin Sindroma e Stokholmit ka vdekur në moshën 78 vjeç”, tha familja e tij.

Enti mediatik “BBC” e raporton këtë lajm.

“Klark (Clark) Olofsson, i cili, u bë i famshëm globalisht në vitin 1973 pas një rrëmbimi dhe grabitjeje banke në kryeqytetin suedez, ka vdekur pas një sëmundjeje të gjatë”, tha familja e tij për gazetën online “Dagens Etc”.

Gjatë një grabitjeje gjashtëditore të bankes, pengjet e z. Olofsson filluan të ndienin keqardhje për të dhe bashkëpunëtorin e tij, duke mbrojtur veprimet e tyre dhe duke u bërë gjithnjë e më armiqësorë ndaj policisë jashtë.

Termi u shpik pas rrethimit nga kriminologu dhe psikiatri suedez Nils Bejerot për të shpjeguar dashurinë në dukje të paarsyeshme që disa të marrë peng ndienin për rrëmbyesit e tyre.

Teoria arriti një audiencë më të gjerë vitin pasardhës, kur trashëgimtarja e Kalifornisë Peti Hirst (Patty Hearst) u rrëmbye nga militantë revolucionarë dhe më vonë u bashkua me ta.

Në vitin 2022, aktori Bill Skarsgård luajti kriminelin në serialin dramatik të Netflix Klark (Clark).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit