KILI | PRESIDENTI JOSE KAST KËRKON REFORMË KUSHTETUESE PËR TË LUFTUAR ORGANIZATAT KRIMINALE DHE TERRORISTE; KËRKON KALBJEN E KRIMINELËVE NË REGJIMIN 41 BIS.

Santiago, Kili | Presidenti ultrakonservator Jose Kast, i paraqiti Parlamentit një propozim për reformë kushtetuese që i jep ekzekutivit kompetenca më të mëdha në luftën kundër krimit të organizuar dhe terrorizmit.

Ndryshimi kryesor, ka të bëjë drejtpërdrejt me Nenin 1 të Kushtetutës.

“Aktualisht, siguria kombëtare është e sanksionuar në nenin e parë, ndërsa siguria publike është e sanksionuar në nene të tjera, por që të bëhet një element themelor i kuadrit institucional, është thelbësore që të përfshihet në nenin e parë”.

Kështu tha presidenti Kast gjatë prezantimit të tekstit të reformës.

Projektligji parashikon gjithashtu mundësinë e shpalljes së gjendjes së jashtëzakonshme në rajone specifike të vendit dhe synon të prezantojë një regjim të veçantë burgu për anëtarët e krimit të organizuar, i frymëzuar nga ligji 41 bis.

Ndryshimet e propozuara përfshijnë gjithashtu krijimin e një regjistri të organizatave kriminale, anëtarësimi në të cilat do të përbënte një krim në vetvete, dhe thjeshtimin e rregullave që lejojnë sekuestrimin, likuidimin dhe transferimin e aseteve të lidhura me krimin e organizuar, trafikun e drogës dhe terrorizmin.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit