KHARKIV; UKRAINË | SULM MASIV ME 100 DRONE SHAHED; NJË KOPSHT FËMIJËSH NË FLAKË.

Kharkiv, Ukrainë | “Forcat ruse nisën një sulm masiv me dronë mbrëmë në rajonin e Kharkivit në Ukrainën lindore, duke synuar qytetin me të njëjtin emër, disa fshatra dhe madje duke i vënë flakën një kopshti, njoftoi Shërbimi Shtetëror i Emergjencave të rajonit në Facebook”, siç raportohet nga enti mediatik “RBC-Ukrainë”.

Në veçanti, u sulmua Distrikti Çuguiev, ku shpërthyen të paktën pesë zjarre.

Kreu i Administratës Ushtarake Rajonale, Oleg Sinegubov, deklaroi se në sulm u përdorën tetë dronë, duke goditur komunitetet pranë fshatrave Rozdolnoie, Martove dhe Koroboçkine në Distriktin Çuguiev.

Përveç kopshtit, zjarre shpërthyen në një depo dhe një fushë. Nuk u raportuan viktima.

“Gjashtë persona, përfshirë një vajzë 17-vjeçare, u plagosën në një sulm me dron të nisur mbrëmë nga forcat ruse në qytetin lindor të Ukrainës, Kharkiv, njoftuan autoritetet”, siç raporton enti mediatik “Ukrainska Pravda”.

“Forcat ruse sulmuan Ukrainën mbrëmë me 100 dronë të llojeve të ndryshme, duke përfshirë dronë kamikazë Shahed, 70 prej të cilëve u rrëzuan ose u çaktivizuan me sisteme lufte elektronike”, raportoi Forca Ajrore e Kievit në Telegram.

Tridhjetë mjete ajrore pa pilot të armikut goditën 12 vende në rajonet Dnipropetrovsk-ut, Kharkiv-it, Sumi-t dhe Çernihiv-it, ndërsa mbeturinat nga dronët e rrëzuar ranë në tre vende.

“Sistemet ruse të mbrojtjes ajrore shkatërruan 121 dronë ukrainas me krahë fiks gjatë natës mbi rajonet ruse dhe Detin e Azov”, sipas Ministrisë së Mbrojtjes Ruse, raporton agjencia ruse e lajmeve “Tass”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit