KANADA | REVISTA E SHOQATËS MJEKËSORE KANADEZE: UDHËZIME TË REJA PËR ILAÇET ANTIRETROVIRALE (HIV/AIDS).

Otavë, Kanada | “Një grup mjekësh dhe studiuesish kanadezë botuan udhëzime të reja për përshkrimin e barnave që mund të parandalojnë infeksionin HIV, me fokus në promovimin dhe rritjen e ndërgjegjësimit për këtë klasë barnash që është gjithnjë në zgjerim”.

Kështu raporton enti mediatik “The Canadian Press”, në Ditën Botërore të AIDS-it.

Udhëzimet, të botuara në Revistën e Shoqatës Mjekësore Kanadeze, ofrojnë 31 rekomandime dhe 10 praktikat më të mira për përshkrimin e barnave antiretrovirale para dhe pas ekspozimit të mundshëm ndaj HIV-it për të parandaluar infeksionin.

Autori kryesor Derrll (Darrell) Tan tha se 19 mjekë ofruan vullnetarisht kohën e tyre gjatë tre viteve të fundit për të shqyrtuar hulumtimet më të fundit dhe për të shkruar udhëzimet e reja, pasi gama e opsioneve të disponueshme për profilaksinë para-ekspozimit (PrEP) dhe profilaksinë pas-ekspozimit (PEP) është zgjeruar që nga botimi i fundit i udhëzimeve në vitin 2017.

Agjencia e Shëndetit Publik të Kanadasë tha se normat e diagnostikimit të HIV u rritën me shpejtësi nga viti 2021 deri në vitin 2023.

Pati një rritje prej 35% të rasteve të reja të HIV nga viti 2022 në vitin 2023, me 2434 diagnoza.

Në vitin 2022, u regjistruan 1800 diagnoza të para; mbi 1450 në vitin 2021.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit