JEMEN | NUMRI I TË VDEKURVE NGA SULMET E REBELVE HUTHI NË DETIN E KUQ SHKOI NË 6.

Aden, Jemen | Roja bregdetare e Jemenit ka raportuar gjashtë vdekje në sulmet që u atribuohen rebelëve Huthi të mbështetur nga Irani në një anije tregtare pranë Ngushticës Bab el-Mandeb, në brigjet jugore të vendit.

Këto sulme i shtohen një serie sulmesh vdekjeprurëse ndaj trafikut detar në hyrje të Detit të Kuq, të cilat filluan pasi rebelët Huthi njoftuan një bllokadë detare kundër Arabisë Saudite muajin e kaluar.

“Breshëria e parë e të shtënave të drejtuara drejt anijes shkaktoi zjarr në bord dhe dëme të shumta, si dhe shkaktoi vdekje dhe lëndime në mesin e ekuipazhit, përfshirë tre shtetas pakistanezë dhe një shtetas indonezian të cilët u vranë”.

Kështu kumtoi Roja Bregdetare në një deklaratë.

Një sulm i dytë goditi anijen ndërsa ekipet e shpëtimit po kryenin operacionin e evakuimit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit