JAPONI | DREJTORI I AGJENCISË NDËRKOMBËTARE TË ENERGJISË ATOMIKE RAFAEL GROSSI: NEVOJITET NJË SISTEM I FORTË VERIFIKIMI PËR PROGRAMIN BËRTHAMOR TË IRANIT.

Tokio, Japoni | “Një sistem verifikimi shumë i fortë është i nevojshëm në Iran pas konfliktit në Lindjen e Mesme për të siguruar që vendi të mos zhvillojë armë bërthamore”.

Kështu tha drejtori i Agjencisë Ndërkombëtare të Energjisë Atomike, Rafael Grossi.

“Unë besoj se qëllimi i kësaj marrëveshjeje (të kohëve të fundit) midis ShBA-ës dhe Iranit është të sigurojë që të mos ketë zhvillim të armëve bërthamore në Iran.

Qeveria iraniane e ka deklaruar mjaft qartë se ky nuk është qëllimi i saj”, u tha drejtori Grossi gazetarëve në Japoni.

“Por sigurisht, qëllimet nuk janë të mjaftueshme. Ne duhet të krijojmë një sistem verifikimi shumë të fortë... sa më shpejt të jetë e mundur”, tha ai.

“Ekziston një marrëveshje dhe, për ta respektuar atë marrëveshje, IAEA duhet të ketë akses dhe të kryejë inspektime. Shpresojmë të jemi atje së shpejti”, shtoi ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit