IZRAELI I PARAPRIU SULMIT TË ORËS 05:00 TË MËNGJESIT ME 320 RAKETA NGA HEZBOLLAHU | NË ORËN 04:00 NË AGIM 100 AVIONË LUFTARAKË FILLUAN SULMIN MBI LIBAN DUKE SHKATËRRUAR POZICIONET E HEZBOLLAHUT.

Jeruzalem, Izrael | Ora zero ishte e saktë: pesë e mëngjesit të së dielës, kur sipas inteligjencës ndërkombëtare, milicët shiitë të Libanit të përkushtuar ndaj Iranit duhet të kishin nisur - pas 26 ditësh pavendosmërie - hakmarrjen kundër Izraelit për vrasjen e udhëheqësit të tyre ushtarak Fuad Shukr, në Bejrut.

Informacioni ishte aq i kohës sa para orës 4 të mëngjesit nga Kiria (Kirya), bunkeri i Ministrisë së Mbrojtjes në Tel Aviv, shefi i shtabit Herzi Halevi filloi kundërsulmin nga kampi izraelit.

Njëqind avionë luftëtarakë u ngritën në të njëjtën kohë nga bazat ushtarake drejt Libanit jugor, ku bombarduan dhe shkatërruan mijëra raketahedhës të Hezbollahut në dyzet vende të ndryshme, shumë prej të cilave në lugina dhe larg qendrave të popullsisë, sipas deklaratave të ushtrisë izraelite.

Sipas të cilës, vetëm disa qindra synoheshin të përdoreshin në këtë sulm ndaj Izraelit.

Në të njëjtën kohë me fillimin e sulmeve ajrore, u urdhërua mbyllja e aeroportit ndërkombëtar të Tel Avivit.

Ministri i Mbrojtjes Joav (Yoav) Gallant shpalli gjendjen e jashtëzakonshme 48-orëshe në vend, ndërsa kryeministri Benjamin Netanjahu mblodhi Kabinetin e Sigurisë.

Shtëpia e Bardhë njoftoi se po monitoronte situatën: Ushtarët e Partisë së Zotit, kur avionët izraelitë mbaruan me shpejtësi punën e tyre, u përgjigjën duke gjuajtur raketa dhe dronë kundër veriut të shtetit hebre, disa qindra metra larg.

“Gjithsej 320 raketa”, raportuan mediat libaneze, kryesisht kundër 11 bazave ushtarake të Forcës Mbrojtëse të Izraelit (IDF).

Duke hapur Kabinetin e Sigurisë në orën 07:00 të mëngjesit, kryeministri Netanjahu dha deklaratën e parë publike të ditës: “Zbuluam përgatitjet e Hezbollahut, i cili ishte gati të sulmonte Izraelin, i dhamë urdhra ushtrisë që të vepronte menjëherë për të eliminuar kërcënimin”.

Kjo do të thotë, një ofensivë e nisur për të parandaluar një sulm masiv.

Më vonë, para kabinetit, kryeministri shtoi: “Ne jemi të vendosur të bëjmë gjithçka për të mbrojtur vendin tonë, për të rikthyer njerëzit e veriut në shtëpitë e tyre dhe për të mbajtur një rregull të thjeshtë, nëse dikush na lëndon, ne përgjigjemi duke e lënduar atë”.

Në anën tjetër të kufirit, në Liban, përgjigja zgjati deri në orët e vona të pasdites, kur udhëheqësi i Hezbollahut Hasan Nasrallah, më në fund mori fjalën, për të thënë se armiku Izrael ka kaluar vijën e kuqe, duke vrarë Shukrin.

“Përgjigja - shpjegoi ai - është vonuar deri më sot për shkak të shumë faktorëve, përfshirë negociatat për armëpushimin në Gaza”.

Duke konfirmuar, siç kishin raportuar tashmë burimet izraelite të sigurisë, se objektivi kryesor ishte baza Glilotit, ku bazohet selia e Mossad-it dhe baza e njësisë 8200, një trupë elitare e inteligjencës, si dhe një bazë e papërcaktuar e mbrojtjes ajrore.

“Ne lëshuam më shumë se 300 raketa të tipit Katyusha në orën 5:15 të mëngjesit dhe për herë të parë drone nga Bekaa”, tha Nasrallahu.

Më pas ai arriti në përfundimin se nëse rezultatet e sulmeve të mëngjesit të së dielës do të ishin të pamjaftueshme, Hezbollahu rezervon të drejtën për t'u përgjigjur në një kohë të mëvonshme.

Por, mbi të gjitha, udhëheqësi i milicive libaneze theksoi faktin se IDF nuk goditi asnjë pikë lëshimi dhe kreu vetëm një sulm natën.

Një deklaratë e mohuar paraprakisht nga deklaratat në mediat ndërkombëtare të disa banorëve të Jugut të Libanit, të cilët panë qindra raketa izraelite që mbërrinin para lutjeve të mëngjesit dhe thanë se mendonin se kishte ardhur apokalipsi.

Kryeministri Netanjahu nga ana e tij paralajmëroi: “Nasrallahu në Bejrut dhe Khamenei në Teheran duhet ta dinë se ajo që ndodhi sot nuk është fundi i historisë, nuk përfundon këtu”.

Disa orë pasi përfunduan sulmet në të dy frontet, kufizimet e sigurisë në Izrael, duke përjashtuar veriun, u hoqën dhe aeroporti u rihap.

Por në mbrëmje, tensioni u rrit përsëri kur një zhurmë u dëgjua në Tel Aviv dhe sirenat u ndezën në Rishon Lezion, në jug të qytetit izraelit, për shkak të lëshimit të një rakete të pretenduar nga Brigadat Al-Qassam, krahu i armatosur i Hamasit, në përgjigje të masakrave izraelite kundër civilëve dhe shpërnguljes së popullit palestinez.

Sipas IDF-së, raketa ra në një zonë të hapur dhe një grua 26-vjeçare u plagos teksa po arrinte në një strehë.

Hezbollahu e ka bërë të qartë se operacioni për momentin ka përfunduar.

Me pak fjalë, pati një demonstrim fuqie për publikun. Dhe ndoshta kjo mund të jetë e mjaftueshme për Nasrallahun.

Por, më e rëndësishmja nga të gjitha, rreziku i një lufte më të gjerë që ka ngjallur prej javësh mbi Lindjen e Mesme duket se është larguar.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit