IZRAEL | MINISTRI I SIGURISË KOMBËTARE ITAMAR BEN-GVIR: I GJITHË LIBANI DUHET TË DIGJET.

Jeruzalem, Izrael | “Për çdo lot të një nëne izraelite, një mijë nëna libaneze duhet të qajnë. I gjithë Libani duhet të digjet”.

Kështu tha ministri i Sigurisë Kombëtare Izraelite, Itamar Ben-Gvir në rrjetin shoqëror virtual Iks (X), pasi u botua lajmi për katër ushtarë të vrarë nga Hezbollahu në Liban.

“Me gjithë respektin e duhur për amerikanët Izraeli duhet t'ia bëjë të qartë të gjithë botës se gjaku i fëmijëve tanë dhe siguria e qytetarëve tanë nuk janë në mëshirën e askujt.

I gjithë Libani duhet të digjet.

Detyra jonë supreme është të mbrojmë qytetarët e Izraelit dhe ushtarët e IDF-së, dhe ky angazhim mbizotëron mbi të gjitha konsideratat e tjera.

I thashë kryeministrit, madje edhe në takimet tona private: për çdo lot të një nëne izraelite, një mijë nëna libaneze duhet të qajnë”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit