IZRAEL | KRYETARI I PARTISË “FUQIA HEBRAIKE” DHE MINISTRI I SIGURISË KOMBËTARE ITAMAR BEN GVIR: KAM PLAN PËR TË NXITUR EMIGRIMIN E 1.8 MILIONË PALESTINEZËVE NGA GAZA.

Jeruzalem, Izrael | Kryetari i partisë “Fuqia Hebraike” dhe ministri i Sigurisë Kombëtare, Itamar Ben Gvir, paraqiti sot në një konferencë për shtyp një plan për të nxitur emigrimin për palestinezët nga Rripi i Gazës, të quajtur “Çlirimi 710”, të cilin ministri tha se synon ta ndjekë në seancën e ardhshme legjislative.

“Ka vende që janë të gatshme t’i mirëpresin ata dhe ka shumë njerëz që duan të lëvizin”, - tha ministri Ben Gvir, duke shtuar se nuk do të ketë dalje pa një vend destinacioni dhe çdo familje do të mbetet e bashkuar.

Kjo nuk ka të bëjë me dëbimin me forcë, por me mundësinë e largimit vullnetar.

Izraeli do ta financojë projektin me një paketë pritjeje për dy vitet e para, duke përfshirë strehimin, arsimin dhe punën.

Izraeli do t’u paguajë vendeve që pranojnë njerëz.

Qëllimi i deklaruar i ministrit Ben Gvir është që 1.8 milion njerëz të largohen nga Rripi i Gazës brenda shtatë viteve.

“Ne do të kërkojmë krijimin e një ministrie ad hoc.

Ne duhet ta përdorim këtë moment historik për të inkurajuar emigrimin nga Gaza.

Ne, si Fuqi Hebraike, paraqitëm një projektligj për këtë çështje një vit e gjysmë më parë dhe na thanë se ishim ekstremistë.

Pastaj, kur presidenti Tramp (Trump) foli për këtë, papritmas të gjithë u bënë Ben Gvir.

Por pati shumë fjalë dhe asnjë veprim.

Sot po paraqes një plan për të cilin kemi punuar për më shumë se një vit e gjysmë dhe të cilin jemi të përkushtuar ta zbatojmë në Knesset-in (parlamentin) e ardhshëm”, - tha ministri Ben Givr.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit