ITALI | MINISTRI I MBROJTJES GUIDO KROSETO (CROSETTO): NUK MUND TË KETË TOLERANCË PËR SPIUNËT.

Romë, Itali | “Nuk mund të ketë tolerancë, veçanërisht kur përfshihen individë në pozicione përgjegjësie, për ata që kompromentojnë ose vënë në rrezik sigurinë e Republikës.

Mbrojtja e sigurisë kombëtare, informacionit të klasifikuar dhe institucioneve është një interes parësor i Shtetit dhe nuk mund të tolerojë asnjë kompromis”.

Kështu tha ministri i Mbrojtjes Guido Kroseto (Crosetto), duke përgëzuar gjyqësorin dhe hetuesit për operacionin ndaj spiunazhit të dyshuar.

“Departamenti i Mbrojtjes do të ndërmarrë çdo iniciativë të mëtejshme për të mbrojtur integritetin e strukturave të tij.

Falë Prokurorisë së Romës dhe ROS (Njësisë së Operacioneve Speciale), Shteti po ua bën të qartë të gjithëve qëndrimin e vërtetë të Rusisë ndaj nesh.

Ajo që del qartë nga faktet është një konflikt hibrid i përditshëm, një luftë e vazhdueshme latente, për të dobësuar institucionet tona, aleancat tona dhe sigurinë tonë.

Është maja e një ajsbergu gjigant, një luftë hibride, e përbërë nga armiq të jashtëm dhe tradhtarë të brendshëm që janë të gatshëm ta shesin kombin e tyre për para, pushtet ose përfitime personale.

Sot, Shteti po sulmon disa prej tyre, por konflikti është i vazhdueshëm dhe i pandërprerë”.

Kështu tha ministri i Mbrojtjes Krosteo (Crosetto).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit