ITALI | MINISTRI I MBROJTJES GUIDO KROSETO (CROSETTO): DISA TURPËROHEN QË NDIHMOJNË UKRAINËN POR UNË JAM KRENAR SEPSE QËLLIMI ËSHTË TË PARANDALOHET SHKATËRRIMI I POPULLSISË UKRAINASE.

Romë, Itali | “Nuk ka mjete të mira ose të këqija, por ka mjete që mund të përdoren në një mënyrë negative ose pozitive.

Një armë është diçka e keqe kur përdoret kundër dikujt, por kur një armë parandalon rënien e një arme tjetër mbi një spital, një central elektrik ose një ndërtesë, kjo është diçka tjetër.

Fryma me të cilën Italia e ka mbështetur Ukrainën deri më tani ka qenë të parandalojë ata që dëshirojnë të shkatërrojnë dhe nënshtrojnë popullsinë ukrainase nga ta bëjnë këtë. Disa prej jush do të turpërohen për këtë, por unë jam krenar për këtë”.

Kështu tha Ministri i Mbrojtjes Guido Kroseto (Crosetto), në informimin e tij para Dhomës së Deputetëve mbi ndihmën për Ukrainën.

“Mbështetja e Ukrainës, nuk do të thotë të dëshirosh zgjatjen e konfliktit; do të thotë të parandalosh që fundi i armiqësisë të shndërrohet në një paqe të dukshme dhe të brishtë, të ndërtuar mbi padrejtësi dhe të destinuar të prishet përsëri.

Ndërprerja e mbështetjes dhe ndihmës për Ukrainën sot do të thoshte të hiqje dorë nga paqja përpara se ajo të jetë ndërtuar”, tha Ministri Kroseto (Crosetto).

“Ukrainës i duhet një aftësi e mjaftueshme mbrojtëse, jo për të sulmuar, jo për të fituar një luftë, jo për të mposhtur një armik, por për të mbrojtur territorin e saj, popullsinë e saj dhe një reduktim i mbështetjes ndërkombëtare nuk do të çonte në paqe; përkundrazi, do të inkurajonte një përshkallëzim të mëtejshëm të agresionit”, tha Ministri Kroseto (Crosetto).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit