ITALI | MINISTRI I JASHTËM ANTONIO TAJANI: FORUMI EURO-MESDHETAR ËSHTË HAPI I PARË NË “DIPLOMACINË E UJIT”.

Romë, Itali | “Kompanitë, bankat, universitetet, qendrat kërkimore, organizatat ndërkombëtare dhe shoqëria civile janë të pranishme këtu.

Me mbi 5 mijë pjesëmarrës, ky Forum është një ekspozitë e jashtëzakonshme e njohurive tona, një gur themeli i rëndësishëm për të ardhmen.

Ajo që po lançojmë sot është një platformë e përhershme dhe operacionale e kontakteve, projekteve dhe bashkëpunimeve.

Është një pjesë e re në mozaikun e madh të diplomacisë ujore”.

Kështu tha ministri i jashtëm italian Antonio Tajani në fjalimin e tij në “Forumin Euro-Mesdhetar të Ujit”, që u mbajt në Romë.

“… në Ministrinë e Punëve të Jashtme, mblodhëm qeveritë e 43 vendeve të Unionit për Mesdheun.

Ne miratuam një deklaratë të rëndësishme politike me përparësi të përbashkëta për sigurinë dhe menaxhimin e ujit në Mesdhe.

Tani duhet t'i transformojmë këto zgjedhje në projekte, investime, teknologji dhe partneritete.

Ky është objektivi që po i vendosim vetes me Forumin e sotëm.

Uji nuk është vetëm një çështje mjedisore.

Është një çështje sigurie, stabiliteti dhe zhvillimi që duam ta adresojmë së bashku me të gjithë partnerët tanë.

Çështja e ujit është një përparësi që e solla edhe në Kombet e Bashkuara në Jorkun e Ri javën e kaluar.

Nga Hormuzi në Detin e Kuq, nga Deti i Zi në Mesdhe, këto kriza po ndikojnë në çmimet dhe disponueshmërinë e energjisë, plehrave dhe drithërave.

Dhe ato po godasin më rëndë vendet ku uji është tashmë i pakët.

Qëllimi është të ndihmohen vendet në bregun jugor të Mesdheut të krijojnë projekte në sektorin e ujit që mund të financohen menjëherë nga institucionet ndërkombëtare.

Si Itali, ne kemi miratuar tashmë një projekt fillestar prej 3 milionë eurosh, të zbatuar me CIHEAM të Barit dhe Bashkimin për Mesdheun.

Me Bashkëpunimin dhe Planin Mattei, ne kemi aktivizuar tashmë mbi 100 projekte, për një angazhim prej afër gjysmë miliardi”, - tha ministri Tajani.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit