MINISTRI I JASHTËM ITALIAN ANTONIO TAJANI NË UASHINGTON: MBËSHTETJE PËR NJË MESAZH TË FORTË PËR PUTININ DHE PËRSHPEJTIM TË NEGOCIATAVE PËR TARIFAT.

Uashington, Amerikë | “Situata në Ukrainë, me nevojën për të vazhduar mbështetjen e Kievit dhe për t'i dërguar një mesazh të fortë Rusisë për të bindur Vladimir Putinin të ulet në tryezën e negociatave për paqe, dhe çështja e ndërlikuar e tarifave, për të cilën negociatat duhet të përshpejtohen për të arritur një zgjidhje të favorshme për të dyja palët”.

Këto janë temat kryesore të diskutuara nga Ministri i Jashtëm Antonio Tajani gjatë gjysmës së parë të vizitës së tij në Uashington, e cila, do të vazhdojë në orët në vijim me takime me Kryetarin e Dhomës së Përfaqësuesve, Maik Xhonson (Mike Johnson), dhe Përfaqësuesin e Tregtisë së ShBA-ës, Xhemison Griër (Jamieson Greer).

Dita e ministrit filloi me një intervistë me z. Maria Bartiromo në “Fox Business”, gjatë së cilës Ministri Tajani theksoi rëndësinë e forcimit të urës midis Italisë dhe Shteteve të Bashkuara, të cilat, përfaqësojnë mikun tonë më të mirë në botë.

Kreu i diplomacisë italiane shprehu gjithashtu mbështetje për ultimatumin e shpallur dje nga Presidenti Danlld Tramp (Donald Trump), i cili, deklaroi se administrata e tij do të vendosë sanksione dytësore me tarifa 100% për vendet që bëjnë biznes me subjektet ligjore ruse nëse nuk arrihet një marrëveshje paqeje në Ukrainë brenda 50 ditëve të ardhshme.

“Ne duam paqe, por duhet ta bindim Putinin; e vetmja zgjidhje tani është t'i dërgojmë një mesazh të fortë Rusisë.

Pajtohem me Presidentin Tramp; tani duhet të jemi të fortë dhe të shtyjmë për një rezultat”, deklaroi ai, duke e përsëritur këtë pikë gjatë një konference për shtyp në fund të takimit të tij dypalësh këtë mëngjes me Sekretarin e Shtetit të ShBA-ës Marko (Marco) Rubio.

Duke folur me gazetarët në Ambasadën Italiane në Uashington, Ministri Tajani tha se ShBA-ës ishin të zhgënjyera nga qëndrimi i Moskës, e cila, nuk ka qenë bashkëpunuese pavarësisht propozimeve dhe përpjekjeve të SHBA-së për të arritur një marrëveshje.

“Italia, vazhdoi ai, është në favor të një vendimi që përfshin edhe sanksione kundër Rusisë, për ta shtyrë Moskën të rishqyrtojë.

Ne do ta bëjmë këtë si Bashkim Evropian, por do të shohim se çfarë do të bëjnë Shtetet e Bashkuara, pasi i kanë dhënë Putinit 50 ditë për t'iu përgjigjur propozimit të tyre.

Ky kontekst përfshin gjithashtu një plan të shpallur dje nga Presidenti Tramp dhe Sekretari i Përgjithshëm i NATO-s, Mark Rutte, për të shitur armë dhe sisteme mbrojtëse amerikane vendeve të aleancës, të cilat, më pas do t'i dërgonin ato në Kiev si ndihmë ushtarake për t'u përdorur në luftën kundër Rusisë.

Italia dhe Evropa po dërgojnë armë së bashku me Shtetet e Bashkuara, dhe ne kemi nevojë për një strategji për të mbrojtur Ukrainën dhe për të arritur paqen”, tha Ministri Tajani, duke refuzuar të komentojë mbi iniciativën.

“Vendimi, u takon udhëheqësve të NATO-s.

Vendimi është i NATO-s; ne mbështesim mbështetjen e Ukrainës.

Sekretari Rutte do t'ua paraqesë iniciativën udhëheqësve të vendeve aleate dhe pastaj do të shohim se çfarë do të bëjmë.

Për momentin, gjëja e rëndësishme është që Shtetet e Bashkuara kanë marrë një vendim të fortë për të mbështetur Kievin”, tha ai.

Ministri Tajani në vend të kësaj shprehu mbështetje për mundësinë e rritjes së shpenzimeve ushtarake të vendeve të NATO-s në 5 përqind të PBB-së, nën presionin e administratës amerikane.

“Ky - tha Ministri Tajani - është një objektiv i saktë për të forcuar sigurinë tonë.

Italia, është e përkushtuar ndaj kësaj dhe ne jemi të gatshëm të bëjmë më shumë sepse siguria jonë është thelbësore.

Sot, një shtyllë e fortë amerikane tashmë ekziston dhe ne duhet të forcojmë të dytën, atë evropiane, në mënyrë që të mund të punojmë së bashku për paqe dhe stabilitet”, tha ai.

Çështja e dytë kryesore në axhendë ka të bëjë me negociatat me administratën Tramp për të shmangur vendosjen e tarifave tregtare prej 30 përqind për mallrat evropiane, të cilat, Ministri Tajani i përshkroi si çështja më e vështirë.

Ministri Tajani përsëriti mbështetjen e Italisë për veprimet e Komisionit Evropian dhe Komisionerit Maros Sefkoviç (Sefcovic), duke kërkuar të ofrojë ide të mira, duke i shërbyer njëkohësisht interesave të produkteve italiane dhe industrisë sonë, e cila nuk duhet të dëmtohet nga një marrëveshje e mundshme.

Ministri Tajani shtoi se mori sigurime nga ana politike në lidhje me tarifat gjatë takimit të tij me Sekretarin Rubio, ndërsa sqaroi se Sekretari i Shtetit nuk është përgjegjës për aspektet teknike të negociatave.

Ky aspekt do të diskutohet në detaje në orët në vijim gjatë takimit me Përfaqësuesin e Tregtisë të ShBA-ës, Xhemison Griër (Jamieson Greer).

Ministri shpjegoi se ne gjithashtu duam të përshpejtojmë negociatat e tarifave, sepse, pasiguria krijon vështirësi të mëdha për eksportuesit dhe bizneset.

Vendosja e tarifave prej 30 përqind, vazhdoi ai, është një qëllim i paarritshëm, një mesazh i fortë për të përshpejtuar.

Evropa, vuri në dukje ai, tashmë i ka përgatitur kundërmasat e saj, por kishte të drejtë t'i pezullonte ato deri në afatin e 1 gushtit të vendosur nga Presidenti Tramp, sepse është e nevojshme të gjendet një kompromis i mirë, pa asnjë luftë.

Ministri Tajani megjithatë shprehu optimizëm për mundësinë e arritjes së një marrëveshjeje fitimprurëse për të dyja palët, duke theksuar se qeveria do të punojë për të mbrojtur bizneset tona.

Së fundmi, vëmendje e veçantë iu kushtua çështjeve që lidhen me Lindjen e Mesme dhe Afrikën.

Në një mesazh të publikuar në rrjetin social virtual Iks (X) në fund të takimit të tij me Ministrin Tajani, Sekretari Rubio shkroi se të dy udhëheqësit kishin rënë dakord që Irani nuk do të pajiset ose zhvillojë kurrë një armë bërthamore, duke theksuar gjithashtu nevojën për të arritur një marrëveshje për një armëpushim në Rripin e Gazës dhe lirimin e pengjeve që mbahen ende nga Hamasi.

Zëdhënësja e Departamentit të Shtetit të ShBA-ës, Temi Brus (Tammy Bruce), deklaroi në një deklaratë se Ministri Tajani dhe Sekretari Rubio diskutuan situatat në Lindjen e Mesme dhe në Ukrainë, si dhe prioritetet e tyre të përbashkëta në lidhje me Kinën dhe Amerikën Latine.

Gjatë konferencës së tij për shtyp në ambasadë, ministri Tajani tha se i kishte përsëritur Sekretarit Rubio disponueshmërinë e Italisë për të pritur çdo takim të mëtejshëm në Romë midis përfaqësuesve të Shteteve të Bashkuara dhe Iranit në lidhje me një marrëveshje bërthamore.

Së fundmi, vëmendje e veçantë iu kushtua Libisë, e cila, u diskutua gjatë një takimi midis Ministrit Tajani dhe këshilltarit të Shtëpisë së Bardhë për Afrikën, Massad Boulos.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit