ITALI: DENONCOHET FAKTI SE NË BURGJE PËRDOREN MASA SHTRËNGUESE TË PAJUSTIFIKUARA.

Romë, Itali | Në burgjet e Lombardisë ka dalë në dritë “përdorimi i pahijshëm i mjeteve të shtrëngimit fizik.”

Kështu lexojmë në një dokument të dërguar më 7 gusht 2023, nga znj. Maria Milano - mbikqyrëse e administratës së burgut të Lombardisë - drejtorëve të institucioneve në rajon. “Nga leximi i ngjarjeve kritike që kanë ndodhur së fundmi – shkruan qarkorja – ka dalë në rrethana të caktuara përdorimi i pahijshëm i mjeteve të shtrëngimit fizik. Në veçanti është vënë re përdorimi i prangave brenda seksioneve të burgut për sjelljet agresive të kryera nga të burgosurit”.

Drejtoresha e Departamentit të Administrimit të Burgjeve vijon: “Në lidhje me këtë, vihet re se neni 41 i sistemit penitenciar, i cili dikton parimet e përgjithshme dhe rregullon kufijtë dhe kushtet e përdorimit të forcës, dhe mjeteve të detyrimit fizik, duke zbatuar rregullore sigurimin e mjeteve të tjera, të cilat, në çdo rast, nuk mund të përdoren për qëllime disiplinore, por vetëm për të shmangur dëmtimin e personave ose sendeve, ose për të garantuar sigurinë e të njëjtit subjekt. Përdorimi duhet të kufizohet në kohën rreptësisht të nevojshme, dhe duhet të monitorohet vazhdimisht nga profesionisti shëndetësorë”.

Znj. Milani kujton se sipas ligjit, shtrëngimi fizik “kryhet nën kontrollin e profesionistit shëndetësor, me përdorimin e mjeteve të përdorura për të njëjtat qëllime në institucionet spitalore publike.”

Nga z. Erton Duka.

© Copyright | Agjencia Telegrafike Vox