___.png)
ITALI | AUTORITETET NË NAPOLI DHANË ALARMIN PËR HEPATITI A; NGRËNIA E USHQIMEVE TË DETIT TË PAPËRPUNUARA U NDALUA.
- Agjencia Telegrafike Vox
- 9 hours ago
- 2 min read
Napoli, Itali | “Tetëdhjetë e katër (84) raste janë raportuar që nga janari vetëm në Autoritetin Shëndetësor Lokal (ASL) të Napolit, me 14 raste të reja të regjistruara në 24 orët e fundit në të njëjtin ASL dhe 10 të tjera në Forio Ishia (Ischia).
50 raste të tjera janë shtruar në spital në Kotunjo (Cotugno), qendra e referencës së Kampanjës për sëmundjet infektive, e vendosur në Napoli”.
Këto janë shifrat për hepatitin A, sëmundjen fekale-orale që po shkakton alarm tek qytetarët dhe institucionet shëndetësore në rajon.
Të dhënat e botuara nga Departamenti i Parandalimit i Autoritetit Shëndetësor Lokal të Napolit 1 Centro flasin vetë.
84 rastet e raportuara që nga fillimi i vitit janë dhjetë herë më të larta se numri mesatar i rasteve të raportuara gjatë së njëjtës periudhë në dhjetë vitet e fundit dhe 41 herë më të larta se në tre vitet e fundit.
Aktualisht, gjendja klinike e pacientëve të shtruar në spital nuk është kritike.
Bashkia ndalon konsumin e ushqimeve të detit të papërpunuara në lokalet publike.
Sidoqoftë, për të parandaluar përhapjen e mëtejshme të hepatitit, Bashkia e Napolit, me një urdhëresë të nënshkruar nga Kryetari i Bashkisë Gaetano Manfredi, ka vendosur një ndalim për konsumin e ushqimeve të detit në të gjitha institucionet publike, duke përfshirë restorantet e lagjes me konsum në vend dhe bizneset që prodhojnë për konsum të menjëhershëm.
Ai u bën thirrje banorëve të bëjnë të njëjtën gjë dhe të jenë të kujdesshëm kur konsumojnë fruta dhe perime, të cilat duhet të lahen plotësisht.
Shkeljet do të ndëshkohen me gjoba që variojnë nga 2000 deri në 20000 euro.
Përsëritja e shkeljeve do të rezultojë në pezullimin e biznesit për një deri në 30 ditë dhe më pas revokimin e lejes.
Urdhëresa të ngjashme janë nënshkruar nga kryetarët e bashkive të Beneventos dhe Forio Ishias (Ischia).
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments