ISHULLI I RODOSIT | PRIFTI KISHTE KANAL NË YOUTUBE KU PREDIKONTE; NDËRKOHË SHISTE DROGË; U KAP ME 2 KG KOKAINË + 9 KG HASHASH.

Ishulli i Rodosit, Greqi | Strukturat vendore të Policisë Helenike arrestuan një prift, me moshë 46 vjeç, i Kalendarit të Vjetër, i cili, madje mbante një kanal në YouTube; ai është midis të arrestuarve nga Administrata Kundër Drogës për rrjetin e madh të trafikimit të kokainës dhe kanabisit të papërpunuar.

Si pjesë e një operacioni policor, u kryen gjithsej 8 arrestime, ndërsa u sekuestrua kokainë me peshë 2238 gramë; dhe kanabis i papërpunuar me peshë 9092 gramë.

Një tjetër klerik është arrestuar gjithashtu në të njëjtin rast, i cili duket se i ka dhënë drogë një personi të tretë në Rodos për ta transportuar atë në Athinë.

Hetimi nga oficerë policie me përvojë nga Njësia e Zbatimit të Ligjit kundër Drogës filloi të paktën dy muaj më parë.

Sipas burimeve të Policisë Helenike (ELAS), prifti 46-vjeçar - i cili ka një precedent penal për dhunë fizike - duket se ka pasur bashkëpunim të drejtpërdrejtë me kreun e dyshuar të bandës, pasi ai mori pjesë, ndër të tjera, në trafikun e drogës.

Informacionet tregojnë se sasi kokaine dhe kanabisi të papërpunuar ndonjëherë ruheshin brenda një kishe në Atikë, me 46-vjeçarin dhe të paktën një klerik tjetër që shfrytëzonin statusin e tyre.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit