ISH-PRESIDENTI NIKOLAS SARKOZI (NICOLAS SARKOZY) U PËRJASHTUA NGA LEGJIONI I NDERIT PASI U DËNUA PENALISHT ME VENDIM PENAL TË FORMËS SË PRERË | VENDIMI I PËRJASHTIMIT U BOTUA NË FLETOREN ZYRTARE.

Paris, Francë | Ish-presidenti Nikolas Sarkozi (Nicolas Sarkozy) është përjashtuar nga Legjioni i Nderit pas dënimit të tij të formës së prerë me një vit burg për korrupsion në rastin e përgjimeve telefonike.

Kjo raportohet në një dekret të botuar në Fletoren Zyrtare.

Ish-presidenti francez, i përjashtuar gjithashtu nga Urdhri Kombëtar i Meritës, bëhet kështu kreu i dytë i shtetit francez që i hiqet ky nder pas Marshall Pétain, të cilit, iu hoq Legjioni i Nderit pas dënimit të tij në muajin gusht të vitit 1945 për tradhti të lartë dhe bashkëpunim me armikun.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit