IZRAEL | MINISTRI I JASHTËM GIDEON SA'AR: DËBOJ PËRFAQËSUESIT HOLANDEZË NGA BAZA E BORDIT TË PAQES NË KIRIAT GAT.

Jeruzalem, Izrael | Ministri i Jashtëm Gideon Sa'ar njoftoi dëbimin e përfaqësuesve holandezë nga Qendra Ndërkombëtare e Mbështetjes për Gazën (ish-CMCC) në Kiriat (Kiryat) Gat, pjesë e Bordit të Paqes në Gazë, të cilët duhet të largohen nga Izraeli brenda një jave.

“E mora këtë vendim sot pas një sërë lëvizjesh anti-izraelite nga qeveria holandeze.

I fundit ishte miratimi i një ligji që ndalon tregtinë e produkteve izraelite nga Judeja dhe Samaria, Jerusalemi Lindor dhe Lartësitë e Golanit, i cili do të hyjë në fuqi muajin e ardhshëm”.

Kështu shkroi ministri i Jashtëm Gideon Sa’ar në rrjetin shoqëror virtual Iks (X).

“Mesazhi ynë është i qartë: kushdo që vepron kundër Izraelit nuk do të ketë asnjë rol në rajon. Izraeli nuk do të lejojë që të ndërmerren veprime kundër tij pa u përgjigjur”, - tha ministri Sa’ar më tej.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit