ISH-PRESIDENTI FILIPINAS RODRIGO ROA DUTERTE DO TË DALË NË GJYQ NË GJYKATËN NDËRKOMBËTARE PENALE.

Hagë, Vendet e Ulëta | Gjykata Ndërkombëtare Penale pohoi juridiksionin e saj në çështjen kundër ish-presidentit filipinas Rodrigo Roa Duterte, duke i hapur rrugën gjykimit penal të tij për krime të dyshuara kundër njerëzimit në lidhje me të ashtuquajturën luftë kundër drogës.

“Dhoma e Apelit e Gjykatës, me shumicë votash, e rrëzoi plotësisht apelin e mbrojtjes, duke mbështetur vendimin e Dhomës së Procedurës Paraprake të 23 tetorit 2025”.

Kështu njoftoi tha GJND-ja në një deklaratë.

Sipas gjyqtarëve, Gjykata mund të ushtrojë juridiksion mbi krimet e dyshuara të kryera në Filipine gjatë periudhës në të cilën vendi ishte palë në Statutin e Romës, domethënë, midis 1 nëntorit 2011 dhe 6 marsit 2019.

Në këtë kontekst, Gjykata theksoi se lejimi i një shteti për t'iu shmangur përgjegjësive të tij pas fillimit të një hetimi do të ishte i papajtueshëm me objektivin e Statutit, përkatësisht t'i japë fund pandëshkueshmërisë për ata që janë përgjegjës për krimet më të rënda me shqetësim ndërkombëtar.

Dhoma e Apelit deklaroi se interpretimi i saj siguron një ekuilibër të përshtatshëm midis të drejtës së shteteve për t'u tërhequr nga traktati dhe përgjegjësive të marra përsipër nga ratifikimi.

Ish-Presidenti Duterte dyshohet për vrasje dhe tentativë vrasjeje, të cilat, përbëjnë krime kundër njerëzimit sipas Nenit 7 të Statutit, në një sulm të dyshuar të përhapur dhe sistematik kundër popullsisë civile gjatë fushatës kundër drogës.

Në vitin 2025, u lëshua urdhri i arrestit dhe ish-presidenti iu dorëzua gjykatës.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit