IRANI DHE EGJIPTI DRET RIVENDOSJES SË MARRËDHËNIEVE DIPLOMATIKE (ALENEANCË E RE MYSLIMANE SHIITO-SUNITE).

Kairo, Egjipt | “Irani dhe Egjipti thuhet se kanë arritur një marrëveshje përfundimtare për të rivendosur plotësisht marrëdhëniet diplomatike dhe për të rihapur ambasadat e tyre në kryeqytetet përkatëse”.

Kështu raportoi agjencia iraniane e lajmeve “Wana” - duke cituar burime diplomatike dhe duke specifikuar se pritet vetëm një njoftim zyrtar.

Sipas burimeve, ekziston vullnet i qartë dhe i fortë politik nga të dyja palët, që rezulton nga një afrim që është zhvilluar gjatë viteve në nivelin e ministrave të jashtëm, si dhe angazhime të nivelit të lartë me zyrtarë përgjegjës për shëndetësinë, turizmin, energjinë dhe çështjet gjyqësore.

Është krijuar gjithashtu një komitet i përbashkët konsultativ politik, i cili, deri më tani ka mbajtur dy seanca zyrtare.

Vëzhguesit ndërkombëtarë të cituar nga agjencia e lajmeve “Wana” besojnë se rivendosja e plotë e marrëdhënieve diplomatike midis Iranit dhe Egjiptit mund të ketë implikime përtej marrëdhënieve dypalëshe, duke ndikuar potencialisht në ekuilibrin më të gjerë politik dhe të sigurisë në rajon.

Nuk ka pasur konfirmim zyrtar nga asnjëra palë deri më tani.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit