IRAN | ARRESTIMET DHE SHTYPJE PROTESTASH; VETËM SOT U ARRESTUAN 73 VETA.

Teheran, Iran | Irani ka vazhduar të arrestojë protestuesit pas valës së protestave që kanë përfshirë vendin prej javësh.

Mediat dhe vëzhguesit vendas po e raportojnë këtë, duke fajësuar autoritetet për një goditje, që, sipas grupeve të të drejtave të njeriut, ka rezultuar në mijëra vdekje, nën mbulesën e kufizimeve të vazhdueshme të internetit.

Mediat shtetërore iraniane vazhdojnë të raportojnë rregullisht arrestime të njerëzve që pretendojnë se janë të përfshirë në një operacion terrorist të nxitur nga armiqtë e përbetuar të Teheranit, Izraeli dhe Shtetet e Bashkuara të Amerikës.

Televizioni shtetëror njoftoi sot se 73 persona u arrestuan për kryengritje ShBA-sioniste në Isfahanin qendror, megjithëse shifra në të gjithë vendin mbetet e paqartë.

Agjencia e lajmeve “Tasnim” deklaroi në fund të javës së kaluar se 3000 persona ishin arrestuar, ndërsa grupet e të drejtave të njeriut pretenduan se numri i vlerësuar ishte rritur në rreth 25000.

“Prokurori i Teheranit ka ngritur padi kundër 25 personave; përfshirë atletë dhe aktorë, si dhe 60 kafene që drejtpërdrejt ose tërthorazi shoqëruan ose mbështetën thirrjet për terrorizëm gjatë protestave”.

Kështu raportoi faqja e internetit e gjyqësorit “Mizan Online” - duke shtuar se u sekuestruan edhe prona.

Në të njëjtën kohë, izolimi ndërkombëtar kundër Republikës Islamike po rritet për shkak të shtypjes së vazhdueshme.

Forumi Ekonomik Botëror ka anuluar pjesëmarrjen e Ministrit të Jashtëm iranian Abbas Araghchi në samitin e Davosit në Zvicër, i planifikuar për sot.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit