I DËRGUARI I SHBA-ës STIV UITKOF (STEVE WITKOFF) DO TË TAKOHET GJATË FUNDJAVËS ME PRESIDENTIN VOLODIMIR ZELENSKI DHE ME UDHËHEQËSIT EVROPIANË.

Uashington, Amerikë | “I dërguari i ShBA-ës, Stiv Uitkof (Steve Witkoff), do të takohet me udhëheqësit evropianë dhe presidentin Volodimir Zelenski në Berlin këtë fundjavë, një takim vendimtar ndërsa Shtëpia e Bardhë shtyn përpara për një marrëveshje për t'i dhënë fund luftës me Rusinë deri në fund të vitit”.

Kështu raporton enti mediatik “Wall Street Journal” - duke cituar burime zyrtare.

Vendimi për të dërguar z. Uitkof (Witkoff), i cili udhëhoqi bisedimet me Ukrainën dhe Rusinë mbi një plan paqeje të ShBA-ës, nënvizon përshpejtimin e përpjekjeve për të ngushtuar dallimet midis Kievit dhe Uashingtonit mbi kushtet e marrëveshjes.

I dërguari Uitkof (Witkoff) do të takohet gjithashtu me udhëheqësit e Francës, Britanisë së Madhe dhe Gjermanisë të dielën dhe të hënën.

Të enjten, Shtëpia e Bardhë tha se Presidenti Tramp (Trump) do të dërgonte një përfaqësues në takim vetëm nëse mendonte se kishte përparim të mjaftueshëm në bisedimet e paqes.

Zëdhënësja e Shtëpisë së Bardhë Kerollain Levit (Karoline Leavitt) vuri në dukje se presidenti ishte lodhur nga takimet vetëm për hir të takimit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit