HUNGARI: VAZHDON NDËRTIMI I IMPIANTIT ME 2 REAKTORË BËRTHAMORË RUSË | INVESTIMI 12 MILIARDË €.

Budapest, Hungari | Hungaria dhe Rusia kanë nënshkruar dokumentet e nevojshme për të vazhduar me ndërtimin e centralit bërthamor hungarez Paks-2, në bazë të një marrëveshjeje të nënshkruar në vitin 2014, sipas agjencisë së lajmeve Ria Novosti.

Impianti Paks-2, me dy reaktorë të rinj rus Vver 1200 megavat, do t'i shtohet uzinës origjinale të Paks, me katër reaktorë nga epoka sovjetike. Kostoja totale llogaritet në 12.5 miliardë euro, nga të cilat 10 miliardë mbulohen nga një kredi nga shteti rus.

Fabrika e Paks, e vetmja në Hungari, ndodhet rreth 100 kilometra nga Budapesti, dhe aktualisht prodhon rreth gjysmën e kërkesës kombëtare për energji elektrike.

Dy reaktorët e rinj pritet të dyfishojnë kapacitin.

Nga z. Erton Duka.

© Copyright | Agjencia Telegrafike Vox