GJYKATA E POSAÇME LA NË FUQI MASËN E SIGURISË “ARREST NË SHTËPI” PËR JAMARBËR MALLTEZIN I AKUZUAR PËR DOSJEN “PARTIZANI”.

Tiranë, Shqipëri | Gjykata e Posaçme la në fuqi masën e sigurisë “arrest shtëpie” për z. Jamarbër Malltezi, i akuzuar për dosjen “Partizani”.

Gjyqtarja e GJKKO-së Flojera Davidhi rrëzoi kërkesën e z. Jamarbër Malltezi për zëvendësimin e masës së sigurimit vetjak.

Ai ndodhet në arrest shtëpie prej muajit nëntor të vitit 2023, pasi gjykata zëvendësoi masën e shqiptuar ndaj tij nga “arrest me burg” në atë shtëpiak.

Deputeti Sali Berisha është në hetim penal paraprak për veprën penale të korrupsionit, së bashku me dhëndrin e tij, z. Jamarbër Malltezi, i cili, akuzohet nga SPAK-u se ka përfituar të ardhura në vlerën e 5.4 milionë eurove nga një biznes ndërtimi në mënyrë të parregullt falë vendimeve të qeverisë të marra nga vjehrri i tij.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit