GJERMANIA GATI TA PAJISI UKRAINËN ME RAKETA “TAURUS” POR FILLIMISHT KËRKON MODIFIKIMIN E TYRE.

Berlin, Gjermani | Kancelari gjerman Olaf Sholc (Olaf Scholz) ka propozuar modifikimin e raketave në mënyrë që ato të mos përdoren për të goditur territorin rus.

Qeveria gjermane po konsideron furnizimin e Ukrainës me raketa të lundrimit me rreze të gjatë Taurus, por polemikat që lindën nga ky lajm duket se e kanë bindur kancelarin Olaf Scholz të propozojë një modifikim të raketave në mënyrë që ato të mos përdoren për të goditur territorin rus.

Dje disa media gjermane raportuan se qeveria do të shpallë së shpejti vendimin e saj për furnizimin me Taurus të Ukrainës, duke parashikuar që ky vendim, sipas të gjitha gjasave, do të jetë pozitiv.

Sipas burimeve të portalit “T-Online”, Forcat Ajrore Gjermane i kanë dhënë tashmë “dritën jeshile” furnizimit të Ukrainës me këto armë, dhe tani kancelaria gjermane po punon për një zgjidhje të përbashkët me Shtetet e Bashkuara.

Qeveria javën e kaluar i kërkoi Ministrisë së Mbrojtjes një raport me detajet më të rëndësishme për raketat Taurus, si disponueshmëria e këtij armatimi në depot e Ushtrisë Gjermane (Bundeswehr), si dhe rreziqet dhe efektiviteti i tyre.

Sipas asaj që raportoi gazeta gjermane Shpigel (Spiegel), ndryshimet që sipas z. Sholc (Scholz) i duhen bërë raketës Taurus, nuk duhet të ketë të bëjnë me Krimenë, por, vetëm me rajonet e njohura zyrtarisht nga e drejta ndërkombëtare si pjesë e territorit rus.

Nga ana tjetër, kreu i qeverisë gjermane do të ishte “shumë i shqetësuar” në rast të një përshkallëzimi të mëtejshëm të konfliktit, dhe pikërisht për këtë, zyra e ministrit të Mbrojtjes Boris Pistorius, ka kërkuar nga kompania prodhuese - Taurus - për të integruar kufizimin e duhur të programimit të synuar në raketa.

Sipas gazetës Shpigel (Spiegel) z. Sholc (Scholz) nuk do të miratojë dorëzimin e raketave derisa të bindet për vlefshmërinë e këtij modifikimi teknik, një operacion i mundshëm në nivel teknologjik, por, që padyshim do të vononte me disa javë dorëzimin e armatimit.

Sipas “T-online”, raketat Taurus mund të dorëzohen me Atacms amerikanë, të cilët, kanë karakteristika të ngjashme.

Megjithatë, burimet e gazetës Shpigel (Spiegel), përkundrazi, pohojnë se nëse më parë kancelaria gjermane do të thoshte se ishte gati të furnizonte me raketa Taurus Ukrainën vetëm me kusht që Shtetet e Bashkuara të transferonin raketat e tyre, parakusht ky që tashmë nuk do të ishte më aq i rëndësishëm.

Disa muaj më parë ishte një debat në Bundestag, parlamenti gjerman, ai që nisi fushatën në favor të dërgimit të raketave Taurus në Ukrainë.

Më pas, në mediat gjermane u shfaqën thashetheme se autoritetet e Kievit kishin kërkuar zyrtarisht furnizimin e raketave të tilla nga homologët e tyre në Berlin.

Fillimisht nuk u morën komente nga kancelaria, por, me kalimin e kohës, mbështetja e brendshme në Parlament për transferimin e këtyre armatimeve është rritur, duke ndikuar efektivisht edhe në qeveri.

I pyetur për këtë çështje pak javë më parë, ministri gjerman i Mbrojtjes Boris Pistoriusai kishte deklaruar se transferimi i raketave Taurus në Ukrainë nuk është prioritet për Gjermaninë.

Megjithatë, qëndrimi i qeverisë tani duket se ka ndryshuar, por, megjithatë, pa anuluar maturinë kanonike që kancelari Sholc (Scholz) ka ushtruar në të gjitha vendimet që kanë të bëjnë me furnizimin me armë në Kiev.

Taurus, të njohura industrialisht si Taurus Kepd 350, janë raketa gjermano-suedeze ajër-tokë: Taurus Systems, në fakt, është një kompani e lindur falë bashkëpunimit midis Mbda Deutschland dhe Saab Bofors Dynamics.

Prototipet e para të këtij armatimi u ndërtuan në fund të viteve 2005, ndërsa raketa doli në linjën e prodhimit me 1.08 metra gjatësi, dhe me një diametër prej 1.4 metrash, me peshë rreth 500 kilogramë, dhe ka një rreze veprimi prej 350 kilometrash.

Raketa u zhvillua për përdorim kryesisht nga Forcat Ajrore Gjermane dhe detyra e saj kryesore është të shkatërrojë objektivat sipërfaqësore, dhe pikat nodale në infrastrukturën e një armiku të mundshëm.

Taurus është projektuar gjithashtu që të ketë zbulueshmëri të ulët të radarit, dhe gjithashtu ka një kokë luftarake tandem, e cila, rrit shumë aftësinë e tij për të depërtuar në muret, ose tavanet e betonit të armuar.

Aktualisht, Taurus Kepd XNUMX përdoret nga forcat e armatosura të Gjermanisë, Spanjës dhe Koresë së Jugut.

Nga z. Erton Duka.

© Copyright | Agjencia Telegrafike Vox