GJERMANI: DY SPIUNË TË DYSHUAR RUSË U ARRESTUAN NË GJERMANI | KISHIN MISION TË MBANIN NË VËZHGIM BAZAT USHTARAKE AMERIKANE + TË TJERA.

Bayreuth, Gjermani | Dy spiunë të dyshuar rusë u arrestuan dje në Bayreuth me urdhër të Prokurorisë Federale Gjermane (GBA).

Siç raporton sot gazeta “Bild”, të dy me sa duket kanë spiunuar bazat ushtarake amerikane dhe kanë planifikuar sulme kundër rrugëve të transportit ushtarak për llogari të Rusisë.

I dyshuari kryesor është gjermano-rusi Dieter S., i akuzuar për veprimtari të shërbimit sekret, spiunazh me qëllim sabotazhi dhe “përfytyrim” të strukturave ushtarake me qëllim rrezikimin e sigurisë së tyre.

I arrestuari tjetër është ruso-gjermani Alexander J., që besohet të jetë agjent i Moskës.

Sipas GBA-së, që nga tetori 2023, S. ka shkëmbyer ide me kontaktet e shërbimeve sekrete ruse për operacionet sabotuese në Gjermani, duke thënë se ishte i gatshëm të kryente sulme ndezëse dhe shpërthyese kundër infrastrukturës ushtarake, fabrikave të armëve dhe vendeve industriale, si dhe kundër rrugëve që përdoren për transportin e materialit luftarak.

Qëllimi i sulmeve të planifikuara ishte  minimi i mbështetjes gjermane për Ukrainën, e cila, është e angazhuar për të zmbrapsur pushtimin rus.

Për këtë qëllim, S. kishte fotografuar bazat amerikane në Gjermani, duke përfshirë atë të Grafenwoehr-it në Bavari, duke ua dërguar imazhet kontakteve të tij në inteligjencën ruse.

Në Grafenwoehr, ushtria amerikane zhvillon kurse trajnimi për ushtrinë ukrainase, ndër të tjera për përdorimin e tankeve Abramas.

S. ishte tashmë i njohur për autoritetet gjermane si një luftëtar midis 2014 dhe 2016 në një milici pro-ruse në Republikën e vetëshpallur Popullore të Donets-ut në Ukrainën lindore.

Sipas “Der Spiegel”, njësia tashmë klasifikohet nga gjyqësori gjerman si një organizatë terroriste.

Për këtë arsye S. akuzohet edhe si pjesë e një grupi të huaj terrorist.

Meqenëse spiuni i dyshuar rus zotëronte një armë zjarri, GBA po heton gjithashtu të arrestuarin për përgatitjen e një akti dhune që rrezikon shtetin.

https://shorthand.com/the-craft/best-paywall-providers/index.html

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit

Want to read more?

Subscribe to 007vox.com to keep reading this exclusive post.

Subscribe Now