FSHATI PIRG; MALIQ | I MITURI ERALD XHEJO NGA FSHATI ZVIRINË MBETI I VDEKUR SI PASOJË E NJË SULMI ME ARMË TË FTOHTË (THIKË) | I PLAGOSUR MBETI EDHE DORASI NGA FSHATI LEMINOT.

Fshati Pirg, Maliq, Shqipëri | Strukturat vendore të Policisë së Shtetit morën dijeni se:

1- I mituri Erald Xhejo, nga fshati Zvirinë, mbeti i vdekur si pasojë e një sulmi me armë të ftohtë (thikë).

Fotomontazh i subjektit të konsideruar si vrasës i të miturit Erald Xhejo i cili e ekspozonte veten me armë në rrjetet sociale virtuale nën hundën e autoriteteve vendore të zbatimit të ligjit.

Subjekti i konsideruar si vrasës i të miturit Erald Xhejo duke dalë nga spitali ku mori mjekim.

Majtas: viktima | Djathtas: dorasi.

Njoftim | Rreth orës 17:30, në fshatin Pirg, në ambientet e një lokali, ka ndodhur një konflikt dyshohet me mjet prerës (thikë) mes dy 14-vjeçarëve.

Si pasojë e plagëve të marra shtetasi E. Xh., 14-vjeç, ka ndërruar jetë në spital.

14-vjeçari tjetër autori i dyshuar i ngjarjes është shoqëruar në spital, për të marrë mjekim, dhe është nën mbikëqyrjen e Policisë.

Grupi hetimor nën drejtimin e Prokurorisë po punon për zbardhjen e rrethanave të ngjarjes, thuhet në njoftimin e Policisë së Shtetit.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit

Lajm në përditësim, ... 👇👇👇

MALIQ; SHQIPËRI | 8 VETA TË ARRESTUAR NË LIDHJE ME VRASJEN ME THIKË TË ERALD XHEJOS E NDODHUR NË FSHTIN PIRG; MES TË ARRESTUARVE ENEDIO GURI (DORASI); EDISON GURI; ROLAND GURI; FLORI ÇELA.

I mituri Erald Xhejo.

Maliq, Shqipëri | Strukturat vendore të Policisë së Shtetit arrestuan:

1- Tetë subjekte (meshkuj) si përgjegjës për vrasjen e:

a- Të miturit Erald Xhejo.

Mes të arrestuarve janë edhe:

1- Z. Enedio Guri (dorasi).

2- Z. Edison Guri (i ati i dorasit).

3- Z. Roland Guri (Roland Guri).

4- Z. Flori Çela.

Lokali ku ndodhi ngjarja kriminale.

Njoftim | Maliq/Si rezultat i hetimeve të shpejta dhe profesionale, zbardhet dinamika e vrasjes së 14-vjeçarit, kryer dje, në fshatin Pirg.

Për këtë rast, Policia e Korçës arrestoi 8 shtetas:

-14-vjeçarin autor të dyshuar të vrasjes, i cili pas kryerjes së krimit, tentoi të largohej nga vendngjarja, me automjet;

-babanë dhe xhaxhanë e autorit të dyshuar, pasi fshehën mjetin prerës (thikë), me të cilin u krye krimi;

-4 të mitur, të pranishëm gjatë konfliktit mes 14-vjeçarëve, të cilët nëpërmjet deklarimeve në Polici, tentuan të pengojnë zbulimin e së vërtetës;

-një 34-vjeçar, gjithashtu i pranishëm gjatë konfliktit, i cili tentoi të largohet nga vendngjarja, në të njëjtin automjet me 14-vjeçarin.

Sekuestrohen mjeti prerës (thikë), automjeti me të cilin tentuan të largoheshin 2 shtetasit dhe 5 celularë.

Në vijim të veprimeve hetimore dhe policore të kryera nga specialistët për Hetimin e Krimeve të Rënda të DVP-Korçë, në bashkëpunim me shërbimet e Komisariatit të Policisë Maliq dhe në drejtimin e Prokurorisë së Korçës, në lidhje me ngjarjen e djeshme, në fshatin Pirg, ku u vra me mjet prerës (thikë), një 14-vjeçar, dyshohet nga një bashkëmoshatar i tij, gjatë një konflikti për motive të dobëta, u vunë në pranga:

-shtetasi E. G., 14 vjeç, banues në fshatin Leminot, për veprat penale "Vrasja me dashje" dhe "Drejtimi i automjetit në mënyrë të parregullt". 14-vjeçari u dëmtua lehtë, gjatë konfliktit. Ai mori asistencën e nevojshme mjekësore dhe la ambientet e spitalit, ditën e djeshme;

-shtetasit E. G., 44 vjeç dhe R. G., 44 vjeç, përkatësisht babai dhe xhaxhai i 14-vjeçarit, për veprën penale "Veprime që pengojnë zbulimin e të vërtetës";

-4 të mitur, banues në fshatin Zvirinë, për veprat penale "Moskallëzimi i krimit" dhe "Veprime që pengojnë zbulimin e të vërtetës";

-shtetasi F. Ç., 34 vjeç, banues në fshatin Leminot, për veprën penale "Moskallëzimi i krimit".

Materialet procedurale iu referuan Prokurorisë së Korçës, për veprime të mëtejshme, thuhet në njoftimin e Policisë së Shtetit.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit